പിറവം: റെക്കാഡിന്റെ തിളക്കത്തിൽ പിറവം ബി.പി.സി കോളേജ് അദ്ധ്യാപകനും 18 കേരള ബറ്റാലിയൻ എൻ.സി.സി ഓഫീസറുമായ ക്യാപ്റ്റൻ ഡോ.പി.കെ.സുഷൻ. ഇന്ത്യ ബുക്സ് ഒഫ് റെക്കാഡ്സിലാണ് ഈ കോളേജ് അദ്ധ്യാപകൻ ഇപ്പോൾ ഇടം പിടിച്ചത്. കേരളത്തിൽ നിന്നും എൻ.സി.സിയുടെ ദേശീയ പുരസ്കാരം നാല് തവണ നേടുന്ന ഏക ഓഫീസറെന്ന ബഹുമതിയാണ് സുഷനെ റെക്കാഡ്സിന് അർഹനാക്കിയത്. എൻ.സി.സി.യിലെ സേവനത്തിന് ലഭിക്കുന്ന ദേശീയ പുരസ്കാരം 2013,2016, 2018, 2020 വ‌ർഷങ്ങളിലാണ് ലഭിച്ചത്.

പിറവം ബി.പി.സി കോളേജിലെ എൻ.സി.സി. ഓഫീസറും ബിസിനസ് അഡ്മിനിസ്ട്രേഷൻ വിഭാഗം മേധാവിയുമാണ് ഇദേഹം.

2014 ൽ ദില്ലിയിൽ നടന്ന റിപ്പബ്ലിക് ദിന പരേഡിൽ കേരള - ലക്ഷദീപ് എൻ.സി.സി കണ്ടിൻജന്റിന് നേതൃത്വം നൽകിയിട്ടുമുണ്ട്.

കോതമംഗലം എം.എ.കോളേജ് റിട്ട. പ്രഫ. പാറയിൽ ഫാ.പി.വി.കുര്യാക്കോസിന്റെയും ഹിൽഷയുടെയും മകനാണ്. ഭാര്യ ഡോ.ഷിമ മാത്യു കൂത്താട്ടുകുളം മണിമലക്കുന്ന് ടി.എം.ജേക്കബ് മെമ്മോറിയൽ ഗവ. കോളേജിലെ ഇംഗ്ലീഷ് വിഭാഗം അദ്ധ്യാപികയാണ്. മക്കൾ സുമിഷ്, സാവന.