പെരുമ്പാവൂർ: കോവിഡ് മുക്തനായ യുവാവിനെ വീട്ടിൽ തൂങ്ങി മരിച്ച നിലയിൽ കണ്ടെത്തി. വളയൻചിറങ്ങര കുഴൂർ പാറത്തട്ടയിൽ പി.ആർ. രതീഷ് (40) ആണ് മരിച്ചത്. കോവിഡ് ബാധിച്ച് പെരുമ്പാവരിലെ സ്വകാര്യ ആശുപത്രിയിൽ ചികിത്സയിലായിരുന്ന രതീഷ് ഒരാഴ്ച മുൻപാണ് രോഗമുക്തനായി വീട്ടിൽ തിരിച്ചെത്തിയത്. ശനിയാഴ്ച ഭാര്യ സൗമ്യയും മകൻ അഭിനവും കോവിഡ് പരിശോധനയ്ക്കായി ആശുപത്രിയിൽ പോയ സമയത്താണ് സംഭവം. മൃതദേഹം കോലഞ്ചേരി മെഡിക്കൽ കോളേജ് ആശുപത്രി മോർച്ചറിയിൽ.