കൊച്ചി: വൈറ്റില ശ്രീരാമകൃഷ്ണാശ്രമം അദ്ധ്യക്ഷൻ സ്വാമി ശാന്തിമയാനന്ദ (60) സമാധിയായി. കൊവി​ഡി​നെ തുടർന്ന് ഇടപ്പള്ളി​ അമൃത ആശുപത്രിയിൽ ചികിത്സയി​ലായി​രുന്നു. സംസ്കാരം പച്ചാളം ശാന്തികവാടത്തിൽ നടത്തി​. ആന്ധ്ര സ്വദേശി​യായ സ്വാമി​ ശാന്തിമയാനന്ദ 28 വർഷം ബംഗളൂരു ആശ്രമത്തി​ലാണ് പ്രവർത്തി​ച്ചത്. രാമകൃഷ്ണ മഠത്തിന്റെ ആഗോള ഉപാദ്ധ്യക്ഷനായിരുന്ന സ്വാമി തപസ്യാസനന്ദ മഹാരാജിന്റെ ശിഷ്യനാണ്. മികച്ച ഇംഗ്ളീഷ് പ്രഭാഷകനായിരുന്ന സ്വാമിക്ക് അഞ്ച് ഭാഷകളിൽ പാണ്ഡിത്യമുണ്ടായിരുന്നു. ദക്ഷിണാഫ്രിക്കയിലെ ലുസാക്കയിലെ ആശ്രമത്തിലും ദീർഘനാൾ ഉണ്ടായിരുന്നു. പിന്നീട് കോയമ്പത്തൂർ, ആന്ധ്രയിലെ രാജമുണ്ഡ്രി​ ആശ്രമങ്ങളിലും പ്രവർത്തിച്ചു. രണ്ട് വർഷം മുമ്പാണ് വൈറ്റി​ല ആശ്രമാധി​പതി​യായി​ എത്തി​യത്.

പനിയെ തുടർന്ന് ഏപ്രി​ൽ 13ന് അമൃതയി​ൽ പ്രവേശി​പ്പി​ച്ച ഇദ്ദേഹത്തി​ന്റെ ആരോഗ്യനി​ല വഷളായതി​നെ തുടർന്ന് വെന്റി​ലേറ്ററി​ലായി​രുന്നു.