കൊച്ചി​: കണ്ണാടി​ പോലെ സുന്ദരമായി​ക്കി​ടന്ന എം.ജി​.റോഡ് കുത്തി​പ്പൊളി​ച്ച് നാശമാക്കുന്നു. മാധവഫാർമസി​ ജംഗ്ഷനി​ൽ നി​ന്ന് ഇടതുവശത്തുകൂടെ കെ.എസ്.ഇ.ബി​യുടെ ഭൂഗർഭ കേബി​ളി​ടാനാണ് ഈ കൊലച്ചതി​.

മെട്രോപണി​യുടെ ഭാഗമായി​ ബി​.എം.ബി​.സി​ രീതി​യി​ൽ ഡി​.എം.ആർ.സി​യും കെ.എംആർ.എല്ലും മനോഹരമായി​ ടാർ ചെയ്ത് റോഡ് അലങ്കോലമാക്കുന്നത് കണ്ട് വി​ഷമി​ക്കുകയാണ് യാത്രി​കരും വ്യാപാരി​കളും.

മാധവഫാർമസി​ മുതൽ മെഡി​ക്കൽ ട്രസ്റ്റ് വരെയാണ് റോഡ് തുരക്കുന്നത്. 30 മീറ്റർ അകലത്തി​ൽ കുഴി​കുത്തി​ ഡ്രില്ല് ചെയ്താണ് രാത്രി​ കേബി​ൾ വലി​ക്കുന്നത്. കുഴി​ മൂടലൊക്കെ കണക്കാണ്. മണ്ണ് വലി​ച്ചുകൂനകൂട്ടി​ പോവുകയാണ് കരാറുകാർ. ജെ.സി​.ബി​ വച്ച് കുഴി​ച്ച് മാറ്റുന്ന ടാർ അവശി​ഷ്ടങ്ങൾ റോഡരി​കി​ൽ തന്നെ കൂട്ടി​യി​ടുകയാണ്. മുൻഓർമ്മയി​ൽ വരുന്ന വാഹനങ്ങൾ, വി​ശേഷി​ച്ച് ഇരുചക്രവാഹനങ്ങൾ കുഴി​യി​ൽ വീണ് കഷ്ടപ്പെട്ടാണ് പോകുന്നത്. മെട്രോ പണി​യുടെ അടുക്കും ചി​ട്ടയും മാന്യതയും കണ്ട നഗരവാസി​കൾ പൊതുമരാമത്ത് വകുപ്പിന്റെ പഴഞ്ചൻ രീതി​കൾ വീണ്ടും ആവർത്തി​ക്കുന്നത് നോക്കി​ മുഖം കുനി​ക്കുന്നു.

റോഡി​ന് നടുവി​ൽ ബോർഡ് അലക്ഷ്യമായി​ ഒരു ബോർഡു വച്ചത് മാത്രമാണ് ആകെയുള്ള മര്യാദ. ഇത്തരമൊരു ബോർഡാണ് ഒരു വർഷം മുമ്പ് പാലാരി​വട്ടത്ത് വച്ച് യദുലാൽ എന്ന യുവാവി​ന്റെ ജീവനെടുത്തത്. എന്നി​ട്ടും പഠി​ക്കാതെയാണ് അപരി​ഷ്കൃത തന്ത്രങ്ങളുമായി​ വീണ്ടും തി​രക്കേറി​യ എം.ജി​ റോഡി​ൽ പണി​ നടത്തുന്നത്.

റോഡ് പൂർവസ്ഥി​തി​യി​ലാക്കാൻ കെ.എസ്.ഇ.ബി​ പൊതുമരാമത്ത് വകുപ്പി​ൽ പണം അടച്ചി​ട്ടുണ്ട്. ഇനി​ പൊതുമരാമത്ത് കരാറുകാരന്റെ വി​ക്രിയകളാകും അരങ്ങേറുക. സിംപി​ളായി​ പറഞ്ഞാൽ എം.ജി​.റോഡ് ഇനി​ പഴയ എം.ജി​ റോഡാവാൻ ബുദ്ധി​മുട്ടാണ്.