കൊച്ചി: റംസാൻ നോമ്പു കാലമായതിനാൽ നോമ്പു തുറന്നശേഷം ഭക്ഷണം ഹോട്ടലുകളിൽ ഇരുന്നു കഴിക്കുന്നതിനുള്ള സൗകര്യം രാത്രി 9 വരെ അനുവദിക്കണമെന്ന് കേരള മർച്ചന്റ്‌സ് ചേംബർ ഒഫ് കൊമേഴ്‌സ് ആവശ്യപ്പെട്ടു.

ഹോട്ടലുകളിൽ സർക്കാർ ഏർപ്പെടുത്തിയ നിയന്ത്രണം മുസ്ലീങ്ങൾക്ക് പ്രായോഗിക ബുദ്ധിമുട്ടുണ്ടാക്കുന്നു. പ്രോട്ടോക്കോൾ പാലിച്ചു സൗകര്യം ഏർപ്പെടുത്തി മുസ്ലീം ഉപഭോക്താക്കളുടെ ആവശ്യം അംഗീകരിക്കണമെന്ന് ചേംബർ പ്രസിഡന്റ് ജി. കാർത്തികേയനും ജനറൽ സെക്രട്ടറി കെ.എം. വിപിനും അധികൃതരോട് അഭ്യർത്ഥിച്ചു.