കൊച്ചി​:​ ചേരാനല്ലൂർ സിഗ്‌നൽ ജംഗ്ഷനു സമീപത്ത് നിന്ന് ഏപ്രി​ൽ 20ന് ടിപ്പർ ലോറി മോഷ്ടി​ച്ച അഞ്ചംഗ സംഘത്തെ ചേരാനല്ലൂർ പൊലീസ് അറസ്റ്റു ചെയ്തു. ഇടപ്പള്ളി പോണേക്കര മുഹമ്മദ് ബിലാൽ (25), ആലുവ യു.സി​ കോളേജിനു സമീപം അരുൺ​ റെജി (19), വാഴക്കാല പ്രവീൺ​ കുമാർ (39), കളമശ്ശേരി കുസാറ്റ് മനു (29), ആലുവ തുരുത്ത് സ്വദേശി റിഷാദ് (30) എന്നി​വരാണ് പി​ടി​യി​ലായത്.

മണൽമാഫിയയുമായി​ ബന്ധമുള്ള റിഷാദിന് വി​ൽക്കുകയായി​രുന്നു ലോറി​. നമ്പർ പ്ലേറ്റ് പെയിന്റടിച്ച് മറച്ച നിലയിൽ ലോറി ആലുവ ഭാഗത്തു നിന്ന് കണ്ടെടുത്തു. എറണാകുളം സെൻട്രൽ അസി. കമ്മിഷണർ എ.ജെ തോമസി​ന്റെ നിർദേശപ്രകാരം ചേരാനല്ലൂർ പൊലീസ് ഇൻസ്പെക്ടർ വിജയരാഘവൻ പി.കെ, സബ്ബ് ഇൻസ്പെക്ടർമാരായ സന്തോഷ് മോൻ, കെ എം, എ.എസ്.ഐമാരായ വിജയകുമാർ, ഷിബു ജോർജ്ജ്, എസ്.സി.പി.ഒ പോൾ എൽ.വി, സിപിഒ മാരായ ശ്രീരാജ്, അനീഷ്, നിതിൻ ജോൺ​, പ്രശാന്ത് ബാബു എന്നിവരടങ്ങിയ സംഘമാണ് പ്രതികളെ അറസ്റ്റു ചെയ്തത്.