കുറുപ്പംപടി : രായമംഗലം ഗ്രാമപഞ്ചായത്തിൽ നാഷണൽ ഹെൽത്ത് മിഷനും, സി.എം. ഐ.ഡിയും ചേർന്ന് അതിഥി തൊഴിലാളികൾക്കായി മൊബൈൽ ടെസ്റ്റിംഗ് യൂണിറ്റിൽ കൊവിഡ് പരിശോധന നടത്തി. പരിശോധന വിവിധ സ്ഥാപനങ്ങളിൽ ചെന്നാണ് നടത്തിയത്. സന്ധ്യയ്ക്കു ശേഷം താമസ സ്ഥലങ്ങൾ കേന്ദ്രീകരിച്ചും പരിശോധന നടന്നു. അതിഥിതൊഴിലാളികൾക്കിടയിലും ടെസ്റ്റ് പോസിറ്റിവിറ്റി നിരക്ക് കൂടുതലായി കാണുന്നത് ആശങ്കാജനകമാണ് എന്ന് പ്രസിഡന്റ് എൻ.പി.അജയകുമാർ പറഞ്ഞു.