ആലുവ: കൊവിഡ് ബാധിതരായ കുടുംബങ്ങൾക്ക് കൈത്താങ്ങുകയാണ് കീഴ്മാട് സ്വരുമ റെസിഡന്റ്‌സ് അസോസിയേഷൻ. കൊവിഡ് ബാധിച്ച വീടുകളിൽനിന്ന് ജോലിക്ക് പോകുവാൻ കഴിയാത്ത സാഹചര്യത്തിൽ അസോസിയേഷന്റെ പരിധിയിലുള്ള വീടുകളിലേക്ക് രണ്ടാഴ്ചത്തേക്ക് ആവശ്യമായ ഭക്ഷ്യവസ്തുക്കളാണ് സൗജന്യമായി എത്തിച്ചുനൽകുന്നത്.

അസുഖം ബാധിച്ച വീട്ടിൽനിന്ന് പുറത്തിറങ്ങാൻ പറ്റാത്ത സാഹചര്യത്തിൽ ഇതൊരു അനുഗ്രഹമാണെന്നാണ് വീട്ടുകാർ പറയുന്നത്. 1500 രൂപ വിലവരുന്ന കിറ്റാണ് വിതരണം ചെയ്യുന്നത്. ഇതിനകം 20 വീടുകളിൽ നൽകി. ആദ്യഘട്ട ലോക്ക് ഡൗൺ സമയത്ത് അസോസിയേഷനിലെ എല്ലാ വീടുകളിലും പല ചരക്കും പച്ചക്കറിയും അടങ്ങിയ കിറ്റും വിതരണം ചെയ്തിരുന്നു.