ഇടുക്കി: പട്ടികജാതി വികസന വകുപ്പിന്റെ അധീനതയിൽ കുട്ടിക്കാനത്ത് പ്രവർത്തിക്കുന്ന പീരുമേട് ഗവൺമെന്റ്‌മോഡൽ റസിഡൻഷ്യൽ സ്‌കൂളിൽ (തമിഴ് മീഡിയം) 2021- 22 അദ്ധ്യയനവർഷം അഞ്ചാം ക്ലാസിലേക്ക് പ്രവേശനത്തിനായി പട്ടികജാതി മറ്റിതര സമുദായത്തിൽപെട്ടവരുമായ വിദ്യാർത്ഥികളിൽ നിന്നും അപേക്ഷ ക്ഷണിച്ചു. ആകെയുള്ള 40 സീറ്റിൽ 10 ശതമാനം മറ്റു പിന്നാക്ക വിഭാഗക്കാർക്കായി സംവരണം ചെയ്തിരിക്കുന്നു അപേക്ഷകർ തമിഴ് മീഡിയം സ്‌കൂളിൽ പഠിക്കുന്നവരും അപേക്ഷകരുടെ കുടുംബ വാർഷിക വരുമാനം ഒരു ലക്ഷം രൂപയോ അതിൽ താഴെയോ ആയിരിക്കേണ്ടതാണ്. അപേക്ഷയോടൊപ്പം കുട്ടിയുടെ ജാതി, കുടുംബ വാർഷിക വരുമാനം എന്നിവ തെളിയിക്കുന്ന സാക്ഷ്യപ്പെടുത്തിയ പകർപ്പുകളും ഇപ്പോൾ പഠിച്ചു കൊണ്ടിരിക്കുന്ന ക്ലാസും ജനന തിയതിയും തെളിയിക്കുന്നതിന് സ്‌കൂൾ ഹെഡ്മാസ്റ്റർ നൽകുന്ന സാക്ഷ്യപത്രം കൂടി ഹാജരാക്കേണ്ടതാണ്. ജില്ലാ വിദ്യാഭ്യാസ ഓഫീസർ നടത്തുന്ന എഴുത്തുന്ന പരീക്ഷയുടെ അടിസ്ഥാനത്തിൽ തയ്യാറാക്കുന്ന റാങ്ക് ലിസ്റ്റ് പ്രകാരമാണ് പ്രവേശനം നൽകുന്നത്. അപേക്ഷഫോമിന്റെ മാതൃകബ്ലോക്ക് പട്ടികജാതി വികസന ഓഫീസുകൾ, ഗവൺമെന്റ് എം ആർ എസ് പീരുമേട് എന്നിവിടങ്ങളിൽ നിന്നും ലഭിക്കും.

പ്രവേശനം ആഗ്രഹിക്കുന്നവർ ഏപ്രിൽ 17 വൈകിട്ട് 5നു മുമ്പായി ഹെഡ്മാസ്റ്റർ, ഗവൺമെന്റ് എം.ആർ.എസ് പീരുമേട് കുട്ടിക്കാനം പി.ഒ, 685531 എന്ന വിലാസത്തിൽ അപേക്ഷ സമർപ്പിക്കേണ്ടതാണ്. കൂടുതൽ വിവരങ്ങൾക്ക്‌ഫോൺ: 9495221596, 8547616812