**ബുധനാഴ്ച 340 രോഗികൾ

ഇടുക്കി: ജില്ലയിൽ രണ്ട് ദിവസത്തിനിടെ കൊവിഡ്- 19 സ്ഥിരീകരിച്ചത് 545 പേർക്ക്. ബുധനാഴ്ച 340 പേർക്കാണ് രോഗം സ്ഥിരീകരിച്ചത്. ജില്ലയിലെ പ്രതിദിന കൊവിഡ് രോഗ ബാധിതരിൽ ഏറ്റവും ഉയർന്ന കണക്കാണിത്. ഇതിൽ 303 പേർക്കും സമ്പർക്കത്തിലൂടെയാണ് രോഗബാധയുണ്ടായത്. 21 പേരുടെ ഉറവിടം വ്യക്തമല്ല. അന്യ സംസ്ഥാനത്ത് നിന്ന് എത്തിയ 15 പേർക്കും വിദേശത്തു നിന്നെത്തിയ ഒരാൾക്കും രോഗം സ്ഥിരീകരിച്ചിട്ടുണ്ട്. 57 പേർ രോഗമുക്തി നേടി. ഇന്നലെ 205 പേർക്കാണ് രോഗം സ്ഥിരീകരിച്ചത്. ഇതിൽ 193 പേർക്ക് സമ്പർക്കത്തിലൂടെയാണ് രോഗബാധ. നാല് പേരുടെ ഉറവിടം വ്യക്തമല്ല. അന്യ സംസ്ഥാനത്ത് നിന്ന് എത്തിയ ഒൻപത് പേർക്കും രോഗം സ്ഥിരീകരിച്ചിട്ടുണ്ട്. ഇന്നലെ 40 പേർ രോഗമുക്തി നേടി.