തൊടുപുഴ: ജില്ലാ ഇൻഡസ്ട്രിയൽ മസ്ദൂർ സംഘം വാർഷിക സമ്മേളനം നടത്തി. തൊടുപുഴ ബി.എം.എസ് കാര്യാലയ ഹാളിൽ നടന്ന യോഗം ബി.എം.എസ് സംസ്ഥാന വൈസ് പ്രസിഡന്റ് കെ.കെ. വിജയകുമാർ ഉദ്ഘാടനം ചെയ്തു. യൂണിയൻ ജില്ലാ വൈസ് പ്രസിഡന്റ് ഷീബ സാബു അദ്ധ്യക്ഷയായി. ജില്ലാ ജോയിന്റ് സെക്രട്ടറി സുകുമാർ എസ്. മേനോൻ, ബി.എം.എസ് ജില്ലാ പ്രസിഡന്റ് കെ. ജയൻ, സി. രാജേഷ്, കെ.എം. സിജു എന്നിവർ സംസാരിച്ചു. പുതിയ ഭാരവാഹികളായി ജില്ലാ പ്രസിഡന്റ് കെ.എം. സിജു, ജനറൽ സെക്രട്ടറി സി. രാജേഷ്, ട്രഷറർ എം.പി. പ്രശാന്ത് എന്നിവരങ്ങുന്ന പതിനഞ്ചംഗ കമ്മിറ്റിയെയും തിരഞ്ഞെടുത്തു.