അറക്കുളം: കേരളാ സ്റ്റേറ്റ് സർവ്വീസ് പെൻഷനേഴ്‌സ് യൂണിയൻ അറക്കുളം ബ്ലോക്കിന്റെ 29-ാമത് വാർഷിക സമ്മേളനം അറക്കുളം എൻ.എസ്.എസ് കരയോഗം ആഡിറ്റോറിയത്തിൽ നടന്നു. കൊവിഡ്- 19 മാനദണ്ഡങ്ങൾ പാലിച്ച് നടത്തിയ സമ്മേളനം കെ.എസ്.എസ്.പി.യു ജില്ലാ സെക്രട്ടറി വി.കെ. മാണി ഉദ്ഘാടനം ചെയ്തു. ബ്ലോക്ക് പ്രസിഡന്റ് കെ.ഡി. സുകുമാരൻ അദ്ധ്യക്ഷത വഹിച്ചു. ബ്ലോക്ക് സെക്രട്ടറി എം.കെ. ഗോപാലപിള്ള അവതരിപ്പിച്ച വാർഷിക റിപ്പോർട്ടും ട്രഷറർ പ്രൊഫ. കെ.എ. തോമസ് അവതരിപ്പിച്ച വരവ് ചിലവ് കണക്കും സമ്മേളനം പാസാക്കി. സംസ്ഥാന കൗൺസിൽ അംഗം പി.പി. സൂര്യകുമാർ, തൊടുപുഴ ടൗൺ ബ്ലോക്ക് സെക്രട്ടറി എ.എൻ. ചന്ദ്രബാബു, ബ്ലോക്ക് ജോയിന്റ് സെക്രട്ടറി പി.ജെ. മാത്യു, വൈസ് പ്രസിഡന്റ് വി.കെ. സലിം, സി. വിനോബ, കുരുവിള ജേക്കബ് എന്നിവർ സംസാരിച്ചു. ഭാരവാഹികളായി കെ.ഡി. സുകുമാരൻ (പ്രസിഡന്റ്), പി.പി. സൂര്യകുമാർ (സെക്രട്ടറി), എം.കെ. ശിവൻകുട്ടി (ട്രഷറർ), വി.കെ. സലിം, പി.കെ. സരസമ്മ, തെയ്യാമ്മ സെബാസ്റ്റ്യൻ (വൈസ് പ്രസിഡന്റുമാർ), പി.ജെ. മാത്യു, കെ.ഇ. സണ്ണി, കുരുവിള ജേക്കബ് (ജോയിന്റ് സെക്രട്ടറിമാർ) എന്നിവരെ തിരഞ്ഞെടുത്തു.