തൊടുപുഴ: സർക്കാർ നിയന്ത്രണങ്ങൾ പാലിക്കാതെ കൊവിഡ് പ്രോട്ടോകോൾ ലംഘിച്ച 166 പേർക്കെതിരെ ഇന്നലെ പൊലീസ് കേസെടുത്തു. 1240 പേർക്കെതിരേ പെറ്റികേസെടുത്തു. 4267 ആളുകളെ താക്കീത് ചെയ്ത് വിട്ടയച്ചു. പൊലീസ് സ്റ്റേഷനുകളിൽ അത്യാവശ്യ ഡ്യൂട്ടിക്ക് ശേഷമുള്ള മുഴുവൻ ഉദ്യോഗസ്ഥരെയും കൊവിഡ് നിയന്ത്രണങ്ങളുടെ ഭാഗമായുള്ള കർശന പരിശോധനകൾക്കായി നിയോഗിച്ചിരുന്നു. അഡീഷണൽ എസ്.പി എസ്. സുരേഷ് കുമാർ ഉൾപ്പെടെ ജില്ലയിലെ എല്ലാ ഡിവൈ.എസ്.പിമാരും എസ്.എച്ച്.ഒമാരും 273 എസ്.ഐ/ എ.എസ്.ഐമാരും ഉൾപ്പെടെ 773 പൊലീസ് ഉദ്യോഗസ്ഥരും പരിശോധനയിൽ പങ്കെടുത്തു.