കരിങ്കുന്നം: അടിക്കടി വൈദ്യുതി തടസവും വോൾട്ടേജ് ക്ഷാമവും മൂലം നാട്ടുകാർ ദുരിതത്തിൽ .ഉൾപ്രദേശങ്ങളിലാണ് കൂടുതലായി അനുഭവപ്പെടുന്നത്.ഇത് സംബന്ധിച്ച് കെ എസ് ഇ ബി അധികൃതരെ നിരവധിതവണ വിവരം അറിയിച്ചിട്ടും നടപടികൾ ആകുന്നില്ലന്ന് പ്രദേശവാസികൾ പറയുന്നു. ഇതേ തുടർന്ന് വ്യാപാരികൾ ഉൾപ്പടെയുള്ള ഉപഭോക്താക്കൾ ഏറെ ദുരിതത്തിലാണ്.ഹോട്ടൽ,റസ്റ്റോറന്റ്, ബേക്കറി,മെഡിക്കൽ സ്റ്റോർ, ആശുപത്രി എന്നീ സ്ഥാപനങ്ങളെയാണ് ഇത് ഏറെ ബാധിക്കുന്നത്. വൈദ്യതി തടസ്സത്തെ തൂടർന്ന് ഉപകരണങ്ങൾക്ക് കേടും വൈദ്യുതി നഷ്ടവും ഉണ്ടാകുന്നതായി ജനം പറയുന്നു. ചില വാർഡുകളിലുളള സംസ്ഥാന - പഞ്ചായത്ത് പാതകളിലെ വഴി വിളക്കുകൾ പതിവായി പകൽ സമയങ്ങളിലും പ്രകാശിക്കുന്നതായും പറയുന്നു