തൊടുപുഴ : കൊവിഡ് സേവനത്തിന് ആയുർഹെൽപ് കോൾ സെന്ററുമായി ആയുർവേദ മെഡിക്കൽ അസോസിയേഷൻ രംഗത്ത്‌ കൊവിഡിന്റെ രണ്ടാം തരംഗത്തെ നേരിടുന്നതിനായി നടന്നു വരുന്ന സേവ് കാമ്പയിനിന്റെ തുടർച്ചയായാണ് ഇത് നടപ്പിലാക്കുന്നത്.70 34 94 00 00 എന്ന ഹെൽപ് ലൈൻ നമ്പരിൽ കേരളത്തിനകത്തു നിന്നും പുറത്തുനിന്നും വിളിക്കാവുന്ന രീതിയിലാണ് സജ്ജമാക്കിയിട്ടുള്ളത്‌ കൊവിഡ് പ്രതിരോധം, ചികിത്സ, കൊവിഡാനന്തര ആരോഗ്യ പുനസ്ഥാപനം എന്നിവയിൽ സർക്കാർ സ്വകാര്യ മേഖലയിൽ ലഭ്യമായ ആയുർവേദ സേവനങ്ങൾ, കൊവിഡ് പ്രതിരോധത്തിലെ പൊതു നിർദ്ദേശങ്ങൾ, വാക്‌സിൻ സംബന്ധിച്ച സംശയങ്ങൾ തുടങ്ങിവയ്ക്കുള്ള വിദഗ്ദ്ധ ഉപദേശങ്ങളും ലഭ്യമാണ്.

24 മണിക്കൂറും പ്രവർത്തനസജ്ജമായ ഈ ഹെൽപ്പ് ലൈൻ വഴി പ്രതിരോധ ഔഷധങ്ങളുടെ ലഭ്യത , ചികിത്സാ കേന്ദ്രങ്ങളുടെ വിവരങ്ങൾ, പ്രതിരോധത്തിന് സഹായകമായ ആഹാരം,വ്യായാമം തുടങ്ങിയവയെപ്പറ്റിയുള്ള അവബോധം മാനസിക വൈഷമ്യങ്ങൾക്കുള്ള ടെലികൗൺസിലിംഗ്, തുടർചികിത്സ, തുടങ്ങി വിവിധ സേവനങ്ങൾ ലഭ്യമാക്കും.ഒരൊറ്റ ഫോൺകോളിൽ ആയുർവേദ മേഖലയിലെ മുഴുവൻ സേവനങ്ങൾ പൊതുജനങ്ങൾക്ക് ലഭ്യമാക്കുന്നതിനുവേണ്ടി ചിട്ടപ്പെടുത്തിയ ഈ പദ്ധതിയിൽ 250 ൽപരം ഡോക്ടർമാർ വളണ്ടിയർമാരായി സേവനം ചെയ്യും.ആയുഷ് ഡിപ്പാർട്ട്‌മെന്റ്, നാഷണൽ ആയുഷ് മിഷൻ എന്നിവയുമായി സഹകരിച്ചുകൊണുള്ള ഈ പദ്ധതിയുടെ ഉദ്ഘാടനം ആരോഗ്യമന്ത്രി ഇന്ന് ഓൺലൈനിൽ നിർവ്വഹിക്കുമന്ന് ആയുർവേദ മെഡിക്കൽ അസോസിയേഷൻ ഓഫ് ഇന്ത്യ സംസ്ഥാന പ്രസിഡന്റ് ഡോ: രാജു തോമസ് , ജനറൽ സെക്രട്ടറി ഡോ: സാദത്ത് ദിനകർ എന്നിവർ അറിയിച്ചു.