ക​ണ്ണൂ​ർ :1991ലെ ​കോ​ൺ​ഗ്ര​സ് -​ലീ​ഗ് - ബി​. ജെ​. പി ബ​ന്ധ​ത്തി​ന് ശേ​ഷം 2001 ലും ​വോ​ട്ട് ധാ​ര​ണ​യ്‌ക്ക് കോൺഗ്രസ് സമീപിച്ചതാ​യി ബി​. ജെ​. പി മുൻ സംസ്ഥാന പ്രസിഡന്റും ധർമ്മടം മണ്ഡലത്തിലെ എൻ. ഡി. എ സ്ഥാനാർത്ഥിയുമായ സി.​കെ. പ​ത്മ​നാ​ഭ​ൻ വെളിപ്പെടുത്തി. അന്ന് കാ​സ​ർ​ഗോ​ട്ട് ന​ട​ന്ന ച​ർ​ച്ച​യ്ക്ക് കു​ഞ്ഞാ​ലി​ക്കു​ട്ടി​യും കെ.​എം. മാ​ണി​യും എ​ത്തി​യി​രു​ന്നു. താ​നും പി.​പി. മു​കു​ന്ദ​നും വേ​ദ​പ്ര​കാ​ശ് ഗോ​യ​ലും ച​ർ​ച്ച​യി​ൽ പ​ങ്കെ​ടു​ത്തെ​ന്നും പ​ദ്മ​നാ​ഭ​ൻ ഒരു ചാ​ന​ലി​ന് അ​നു​വ​ദി​ച്ച അ​ഭി​മു​ഖ​ത്തി​ൽ പറഞ്ഞു.

“കോ​ൺ​ഗ്ര​സു​കാ​ർ ബി​.ജെ​.പി വോ​ട്ടിനാ​യി ശ്ര​മിക്കാ​റു​ണ്ട്. 1991 ൽ ​താ​ൻ കാ​സ​ർ​ഗോഡ് പാ​ർ​ല​മെ​ന്റ് മ​ണ്ഡ​ല​ത്തി​ലും മാ​രാ​ർ​ജി മ​ഞ്ചേ​ശ്വ​ര​ത്ത് നി​യ​മ​സ​ഭാ സീ​റ്റി​ലും സ്ഥാ​നാ​ർത്ഥി​യാ​യി​രു​ന്നു. അ​ന്ന് കോ​ൺ​ഗ്ര​സും ലീ​ഗു​മാ​യി ധാ​ര​ണ ഉ​ണ്ടാ​യി​രു​ന്ന​താ​യി ഞ​ങ്ങ​ൾ​ക്ക് വി​വ​രം കി​ട്ടി. അ​പ്പോ​ൾ മാ​രാ​ർ​ജി ജ​യി​ക്കും.

ഞ​ങ്ങ​ൾ​ക്ക് വ​ള​രെ സ​ന്തോ​ഷ​മാ​യി. പ​ക്ഷേ, രാ​ജീ​വ് ഗാ​ന്ധി കൊ​ല്ല​പ്പെ​ട്ട​തോ​ടെ സാ​ഹ​ച​ര്യ​ങ്ങ​ൾ മാ​റി. സ​ത്യ​ത്തി​ൽ പ​റ്റി​ക്കു​ക​യാ​യി​രു​ന്നു. കോ​ൺ​ഗ്ര​സ് ഒ​രു മാ​രീ​ച​നാ​ണ്.

കോ​ൺ​ഗ്ര​സി​ന് ബി​. ജെ.പി​യെ സ്വാ​ധീ​നി​ക്കാ​ൻ ക​ഴി​യു​ന്ന കാ​ലം ക​ഴി​ഞ്ഞു’. 2001ൽ താ​ൻ മ​ഞ്ചേ​ശ്വ​ര​ത്ത് സ്ഥാ​നാ​ർ​ത്ഥി​യായപ്പോഴും കോ​ൺ​ഗ്ര​സും ലീ​ഗും വീ​ണ്ടും സ​ഖ്യ​ത്തി​നാ​യി വ​ന്നെ​ന്നും സി.​കെ.​പദ്മനാഭൻ പ​റ​ഞ്ഞു.

മാ​ണി, കു​ഞ്ഞാ​ലി​ക്കു​ട്ടി, പി.​പി മു​കു​ന്ദ​ൻ, ബി..​ജെ​..പി​യു​ടെ കേ​ര​ള ചു​മ​ത​ല​യു​ണ്ടാ​യി​രു​ന്ന വേ​ദ​പ്ര​കാ​ശ് ഗോ​യ​ൽ എ​ന്നി​വ​ർ യോ​ഗം ചേ​ർ​ന്നു. സി​..പി​..എം വി​രു​ദ്ധ വോ​ട്ടു​ക​ളായി​രു​ന്നു അ​വ​രു​ടെ ല​ക്ഷ്യം.

കോ​ൺ​ഗ്ര​സി​നും ലീ​ഗി​നും വോ​ട്ട് വേ​ണ​മാ​യി​രു​ന്നു. ഇ​ങ്ങ​നെ സ​മീ​പി​ക്കാൻ അ​വ​ർ​ക്ക് ഒ​രു മ​ടി​യും ഇല്ലായിരുന്നു. എ​ന്നാ​ൽ ന്യൂ​ന​പ​ക്ഷ വോ​ട്ടു​ക​ൾ​ക്കാ​യി ബി..​ജെ​..പി​യെ ത​ള്ളി​പ്പ​റ​യു​ക​യും ചെ​യ്യും. പ​ഴ​യ ത​ട്ടി​പ്പു​മാ​യി വ​ന്നാ​ൽ വീ​ഴു​ന്ന​വ​ര​ല്ല ബി​..ജെ​..പി​യെ​ന്ന് അ​വ​ർ​ക്ക് ഇ​പ്പോ​ൾ മ​ന​സി​ലാ​യി​ക്കാ​ണു​മെ​ന്നും സി.​കെ. പ​ത്മ​നാ​ഭ​ൻ പ​റ​ഞ്ഞു.