കണ്ണൂർ: ജില്ലയിൽ ബുധനാഴ്ച 287 പേർക്ക് കൊവിഡ് പോസിറ്റീവായി. സമ്പർക്കത്തിലൂടെ 253 പേർക്കും ഇതര സംസ്ഥാനത്ത് നിന്നെത്തിയ 22 പേർക്കും വിദേശത്തുനിന്നെത്തിയ ഏഴു പേർക്കും അഞ്ച് ആരോഗ്യ പ്രവർത്തകർക്കുമാണ് കൊവിഡ് സ്ഥിരീകരിച്ചത്.

ഇതോടെ ജില്ലയിൽ റിപ്പോർട്ട് ചെയ്യപ്പെട്ട കൊവിഡ് പോസിറ്റീവ് കേസുകൾ 61,563 ആയി. ഇവരിൽ 168 പേർ ബുധനാഴ്ച രോഗമുക്തി നേടിയതോടെ രോഗം ഭേദമായവരുടെ എണ്ണം 56,867 ആയി. 337 പേർ കൊവിഡ് മൂലം മരണപ്പെട്ടു. ബാക്കി 3706 പേർ ചികിത്സയിലാണ്.

ഇതിൽ 3516 പേർ വീടുകളിലും190 പേർ വിവിധ ആശുപത്രികളിലും സി.എഫ്.എൽ.ടി.സികളിലുമായാണ് ചികിത്സയിൽ കഴിയുന്നത്.

കൊവിഡുമായി ബന്ധപ്പെട്ട് ജില്ലയിൽ നിലവിൽ നിരീക്ഷണത്തിലുള്ളത് 17,200 പേരാണ്. ഇതുവരെ 7,25,298 സാമ്പിളുകൾ പരിശോധനയ്ക്ക് അയച്ചതിൽ 7,24,837 എണ്ണത്തിന്റെ ഫലം വന്നു. 461 എണ്ണത്തിന്റെ ഫലം ലഭിക്കാനുണ്ട്.