കാസർകോട്: ജില്ലയിൽ കൊവിഡ് വ്യാപനം രൂക്ഷമായ സാഹചര്യത്തിൽ പഴം, പച്ചക്കറി മത്സ്യമാംസ മാർക്കറ്റുകൾ, ഷോപ്പിംഗ് മാളുകൾ, ഹോട്ടലുകൾ തുടങ്ങിയ ആളുകൾ കൂട്ടം കൂടി നിൽക്കുന്ന സ്ഥലങ്ങളിൽ കർശനമായും കൊവിഡ് മാനദണ്ഡങ്ങൾ പാലിക്കണമെന്ന് ജില്ലാ മെഡിക്കൽ ഓഫീസർ (ആരോഗ്യം) ഡോ. എ.വി രാംദാസ് അറിയിച്ചു.

ഹോട്ടലുകളിൽ

* പരമാവധി പാഴ്സലുകൾ നല്കാൻ ശ്രമിക്കുക. ഇരുന്ന് ഭക്ഷണം കഴിക്കുന്നത് കഴിവതും ഒഴിവാക്കുക .
* ഹോട്ടലിൽ സാമൂഹിക അകലം പാലിച്ച് ഇരിപ്പിടങ്ങൾ സജ്ജീകരിക്കുക
* സീറ്റിന് അനുസൃതമായ ആളുകളെ മാത്രം പ്രവേശിപ്പിക്കുക
* ഹോട്ടലിനകത്ത് ആളുകൾ തമ്മിൽ രണ്ട് മീറ്റർ ശാരീരിക അകലം പാലിക്കുക
* ഭക്ഷണം പാചകം ചെയ്യുന്നവരും വിതരണം ചെയ്യുന്നവരും മൂക്കും വായും മുഴുവനായും മറയുന്ന വിധത്തിൽ മാസ്‌ക്കും ശരിയായ രീതിയിൽ ഗ്ലൗസും ധരിക്കുക
* കൊവിഡ് 19 രോഗലക്ഷണങ്ങൾ ഉള്ളവരെ ഹോട്ടൽ ജോലികളിൽ നിയോഗിക്കരുത്
* ഹോട്ടൽ ജീവനക്കാർ 15 ദിവസത്തിലൊരിക്കൽ കൊവിഡ്19 ടെസ്റ്റിന് വിധേയരാകുക
* വരുന്നവരുടെ വിവരശേഖരണത്തിനായി രജിസ്റ്ററുകൾ സൂക്ഷിക്കുക.
* പണമിടപാടുകൾ പരമാവധി ഓൺലൈൻ ആക്കുക.
* എ.സി പൂർണമായും ഒഴിവാക്കുകയും ജനാലകളും വാതിലുകളും തുറന്നിടുകയും ഫാൻ പ്രവർത്തിപ്പിക്കുകയും ചെയ്യുക.
* ഹാൻഡ് വാഷിംഗിനും ഹാൻഡ് സാനിറ്റൈസേഷനും സജ്ജീകരണങ്ങൾ ഒരുക്കുക
* കൃത്യമായ ഇടവേളകളിൽ സ്ഥാപനം അണുനശീകരണി ഉപയോഗിച്ച് അണുവിമുക്തമാക്കുക
* ഉപയോഗിച്ച മാസ്‌കും ഗ്ലൗസും 1 ശതമാനം ക്ലോറിൻ സൊല്യൂഷനിൽ ഇട്ട് വച്ച് അരമണിക്കൂർ കഴിഞ്ഞ ശേഷം കുഴിച്ചു മൂടുക

പഴം, പച്ചക്കറി, മത്സ്യമാംസ മാർക്കറ്റുകളിൽ

* ആളുകൾ തമ്മിൽ രണ്ട് മീറ്റർ ശാരീരിക അകലം പാലിക്കുക.
* മാർക്കറ്റിനകത്തു ആളുകൾ കൂട്ടം കൂടി നിൽക്കുന്നത് ഒഴിവാക്കുക.
* അനാവശ്യമായി മാർക്കറ്റിലേക്ക് പോകുന്നത് ഒഴിവാക്കുക
* സാധനങ്ങൾ വാങ്ങിക്കുന്നവരും വിൽക്കുന്നവരും മൂക്കും വായും മുഴുവനായും മറയുന്ന വിധത്തിൽ മാസ്‌കും സാധനം വിൽക്കുന്നവർ ശരിയായ രീതിയിൽ ഗ്ലൗസും ധരിക്കുക
* മാർക്കറ്റിലേക്ക് വരുന്നവരുടെ വിവരശേഖരണത്തിനായി രജിസ്റ്ററുകൾ സൂക്ഷിക്കുക
* ഹാൻഡ് വാഷിംഗിനും ഹാൻഡ് സാനിറ്റൈസേഷനും ആവശ്യമുള്ള സജ്ജീകരണങ്ങൾ ഒരുക്കുക .
* കോവിഡ്19 രോഗലക്ഷണങ്ങൾ ഉള്ളവരെ ജോലിയിൽ നിയോഗിക്കരുത്.
* ജോലി ചെയ്യുന്നവർ 15 ദിവസത്തിലൊരിക്കൽ കൊവിഡ്19 ടെസ്റ്റിന് വിധേയരാകുക
* 10 വയസ്സിനു താഴെ പ്രായമുള്ള കുട്ടികളും 2 ഡോസ് വാക്സിൻ എടുക്കാത്ത 65 വയസ്സിനു മുകളിൽ പ്രായമുള്ളവരും മാർക്കറ്റുകളിലേക്ക് പോകാതിരിക്കുക.