കണ്ണൂർ: വോട്ടെണ്ണൽ ദിനമായ മേയ് രണ്ടിന് ജില്ലയിൽ ഡ്രൈ ഡേ പ്രഖ്യാപിച്ച് ജില്ലാ തിരഞ്ഞെടുപ്പ് ഓഫീസർ കൂടിയായ ജില്ലാ കളക്ടർ ടി.വി സുഭാഷ് ഉത്തരവിട്ടു. ജനപ്രാതിനിധ്യ നിയമത്തിലെ 135 സി വകുപ്പ് പ്രകാരമാണ് ഡ്രൈ ഡേ പ്രഖ്യാപിച്ചത്. ഇതുപ്രകാരം ജില്ലയിലെ മദ്യശാലകൾ, ഹോട്ടലുകൾ, മറ്റ് വ്യാപാര സ്ഥാപനങ്ങൾ തുടങ്ങിയ സ്ഥലങ്ങളിൽ മദ്യമോ മറ്റ് ലഹരി പദാർത്ഥങ്ങളോ വിൽക്കാനോ വിതരണം ചെയ്യാനോ പാടില്ലെന്ന് ജില്ലാ കളക്ടർ അറിയിച്ചു. ഈ കാലയളവിൽ മദ്യം ശേഖരിച്ച് വയ്ക്കാനോ അനധികൃതമായി വിൽപ്പന നടത്താനോ ഉള്ള ശ്രമങ്ങൾ കണ്ടെത്തി തടയാൻ ഡെപ്യൂട്ടി എക്‌സൈസ് കമ്മീഷണറെ ജില്ലാ കളക്ടർ ചുമതലപ്പെടുത്തി.