കോഴിക്കോട് : ജില്ലയിൽ ഇന്നലെ 453 പേർക്ക് കൊവിഡ് സ്ഥിരീകരിച്ചു. സമ്പർക്കത്തിലൂടെ 440 പേരാണ് രോഗബാധിതരായത്. അന്യസംസ്ഥാനത്ത് നിന്നെത്തിയ മൂന്നുപേർക്ക് പോസിറ്റീവായി. 10 പേരുടെ ഉറവിടം വ്യക്തമല്ല. 5329 പേരെ പരിശോധനയ്ക്ക് വിധേയരാക്കി. ജില്ലയിലെ കൊവിഡ് ആശുപത്രികൾ, എഫ്.എൽ.ടി.സികൾ എന്നിവിടങ്ങളിൽ ചികിത്സയിലായിരുന്ന 391 പേർ കൂടി രോഗമുക്തിനേടി ആശുപത്രി വിട്ടു. പുതുതായി വന്ന 1471 പേർ ഉൾപ്പെടെ ജില്ലയിൽ 21597 പേർ
നിരീക്ഷണത്തിലാണ്. ഇതുവരെ 355295 പേർ നിരീക്ഷണം പൂർത്തിയാക്കി.