കോഴിക്കോട് : എസ് കെ എസ് എസ് എഫ് സംസ്ഥാന കമ്മിറ്റിയുടെ ആതുരസേവന വിഭാഗമായ സഹചാരി റിലീഫ് സെല്ലിന്റെ ഈ വർഷത്തെ ഫണ്ട് ശേഖരണം വെള്ളിയാഴ്ച നടക്കും. പതിനഞ്ച് വർഷമായി റംസാനിലെ ആദ്യ വെള്ളിയാഴ്ച പള്ളികൾ കേന്ദ്രീകരിച്ച് നടത്തുന്ന ഫണ്ട് ശേഖരണത്തിലൂടെയാണ് ആയിരക്കണക്കിന് നിർധന രോഗികൾക്ക് സാമ്പത്തിക സഹായത്തിനുള്ള തുക കണ്ടെത്തുന്നത്. കഴിഞ്ഞ വർഷം മാത്രം 770 വൃക്ക രോഗികൾ‍, 747 കാൻ‍സർ ‍ രോഗികൾ ‍, 981 ഹൃദ്രോഗികൾ‍, റോഡപകടങ്ങളിൽ പരിക്കേറ്റ 294 പേർ‍, 628 മറ്റു രോഗികൾ‍ എന്നിവർക്ക് സാമ്പത്തിക സഹായം നൽകിയിരുന്നു. കോഴിക്കോട് മെഡിക്കൽ കോളേജിന് സമീപം സഹചാരി സെന്റർ 21ന് പ്രവർത്തനമാരംഭിക്കും. അടുത്ത വർഷം എം.വി.ആർ കാൻസർ സെന്റർ, തിരുവനന്തപുരം ആർ സി സി എന്നിവിടങ്ങളിലും സഹചാരി സെന്റർ സ്ഥാപിക്കാനൊരുങ്ങുകയാണ്.