കോഴിക്കോട് : ജില്ലയിൽ ഞായറാഴ്ച വരെ 4,21,202 പേർ ഒന്നാംഘട്ട കൊവിഡ് വാക്‌സിൻ സ്വീകരിച്ചു. 60,434 പേരാണ് രണ്ടാംഘട്ട വാക്‌സിനെടുത്തത്. ആദ്യഘട്ട വാക്‌സിൻ സ്വീകരിച്ച ആരോഗ്യപ്രവർത്തകരുടെ എണ്ണം 48,121 ആണ്. 28,782 പേർക്ക് രണ്ടാംഘട്ട വാക്‌സിനും നൽകി. 45 വയസിന് മുകളിൽ പ്രായമുള്ള 3,29,922 പേർ ഒന്നാംഘട്ട വാക്‌സിനും 16,347 പേർ രണ്ടാംഘട്ട വാക്‌സിനുമെടുത്തു. പൊലീസ്, ഫയർ ഫോഴ്‌സ് തുടങ്ങിയ മുന്നണിപ്പോരാളികളിൽ 43,159 പേർ ഒന്നാംഘട്ട വാക്‌സിനും 15,305 പേർ രണ്ടാംഘട്ട വാക്‌സിനും സ്വീകരിച്ചു. 95 സർക്കാർ ആശുപത്രികളിലും 24 സ്വകാര്യ ആശുപത്രികളിലും നിലവിൽ കൊവിഡ് വാക്‌സിൻ നൽകി വരുന്നുണ്ട്. വിവിധ ഇടങ്ങളിലായി പ്രത്യേക ക്യാമ്പുകളും നടത്തി വരുന്നു. കോർപ്പറേഷൻ പരിധിയിൽ ആഴ്ചയിൽ ഒരു ദിവസം 25 ക്യാമ്പുകളും മുനിസിപ്പാലിറ്റികളിൽ നാലു വീതവും ഗ്രാമപഞ്ചായത്തുകളിൽ രണ്ടു വീതവും ക്യാമ്പും സംഘടിപ്പിക്കാൻ കളക്ടർ നിർദ്ദേശം നൽകിയിട്ടുണ്ട്.