വടകര: അഴിയൂർ ഗ്രാമപഞ്ചായത്തിലെ 7000 വീടുകളിലേക്ക് വാർഡ് ആർ.ആർ.ടി മാർ മുഖേന പഞ്ചശീല ലഘുലേഖ വിതരണം ചെയ്യുന്നു. കൊവിഡ് കരുതലോടെ നേരിടാം മാസ്ക് മസ്റ്റാണ് എന്ന ലഘുലേഖ പഞ്ചായത്ത് പ്രസിഡന്റ് ആയിഷ ഉമ്മർ അഴിയൂർ വനിത കോ-ഓപ്പറേറ്റീവ് സൊസൈറ്റി സെക്രട്ടറി ഒ.കെ ഷാജിക്ക് നൽകി പ്രകാശനം ചെയ്തു. കൊവിഡ് പ്രതിരോധിക്കാൻ പഞ്ചശീലങ്ങൾ ജനങ്ങളിലെത്തിക്കുന്നതിന്റെ ഭാഗമായാണ് ലഘുലേഖ തയ്യാറാക്കിയത്. വൈസ് പ്രസിഡന്റ് ശശിധരൻ തോട്ടത്തിൽ, സ്ഥിരംസമിതി അദ്ധ്യക്ഷകളായ അനിഷ ആനന്ദ സദനം, രമ്യ കരോടി, പഞ്ചായത്ത് സെക്രട്ടറി ടി.ഷാഹുൽ ഹമീദ്, വനിതാ സൊസൈറ്റി ജീവനക്കാരൻ വിജേഷ് എന്നിവർ പ്രസംഗിച്ചു.