കട്ടപ്പന: എസ്.എൻ.ഡി.പി. യോഗം മലനാട് യൂണിയൻ നേതൃത്വത്തിൽ വിവാഹപൂർവ കൗൺസിലിംഗ് ഏപ്രിൽ 10, 11 തിയതികളിൽ യൂണിയൻ ഓഫീസിൽ നടക്കും. 10ന് രാവിലെ 9ന് രജിസ്‌ട്രേഷൻ, 9.30ന് യൂണിയൻ പ്രസിഡന്റ് ബിജു മാധവൻ സമ്മേളനം ഉദ്ഘാടനം ചെയ്യും. യൂണിയൻ സെക്രട്ടറി വിനോദ് ഉത്തമൻ അദ്ധ്യക്ഷത വഹിക്കും. വൈദിക യോഗം യൂണിയൻ പ്രസിഡന്റ് സുരേഷ് ശാന്തി, വനിതാ സംഘം യൂണിയൻ പ്രസിഡന്റ് സി.കെ. വൽസ, യൂത്ത് മൂവ്‌മെന്റ് ജില്ലാ ചെയർമാൻ പ്രവീൺ വട്ടമല, എസ്.എൻ. ക്ലബ് യൂണിയൻ പ്രസിഡന്റ് കെ.പി. ബിനീഷ്, സൈബർ സേന യൂണിയൻ പ്രസിഡന്റ് കെ.എം. വിശാഖ്, കുമാരിസംഘം യൂണിയൻ പ്രസിഡന്റ് ടി.പി. ഭാവന എന്നിവർ പ്രസംഗിക്കും.
10മുതൽ ഗുരുദേവന്റെ ദാമ്പത്യ സങ്കൽപം എന്ന വിഷയത്തിൽ ബിജു പുളിക്കലേടത്ത്, 2മുതൽ കുടുംബ ഭദ്രത: പായിപ്ര ദമനൻ, 11ന് രാവിലെ 9മുതൽ നല്ല വ്യക്തിത്വവും കുടുംബജീവിതവും:ലെനിൻ പുളിക്കൽ, 11മുതൽ കുടുംബ നിയമങ്ങൾ: അഡ്വ. പി.ആർ. മുരളീധരൻ, 2ന് കുടുംബജീവിതവും സ്ത്രീപുരുഷ ലൈംഗികതയും:ഡോ. അനിൽ പ്രദീപ് എന്നിവർ ക്ലാസെടുക്കും. വൈകിട്ട് 4ന് നടക്കുന്ന സമാപന സമ്മേളനത്തിൽ യൂണിയൻ വൈസ് പ്രസിഡന്റ് വിധു .എ.സോമൻ സർട്ടിഫിക്കറ്റുകൾ വിതരണം ചെയ്യും. യോഗം ഡയറക്ടർ ബോർഡ് അംഗം ഷാജി പുള്ളോലിൽ അദ്ധ്യക്ഷത വഹിക്കും. വൈദിക യോഗം യൂണിയൻ സെക്രട്ടറി സോജു ശാന്തി, വനിത സംഘം യൂണിയൻ സെക്രട്ടറി ലത സുരേഷ്, യൂത്ത് മൂവ്‌മെന്റ് യൂണിയൻ സെക്രട്ടറി എം.എസ്. സജീഷ്‌കുമാർ, സൈബർ സേന യൂണിയൻ കൺവീനർ പി. അരുൺകുമാർ എന്നിവർ പങ്കെടുക്കും.