ചങ്ങനാശേരി: ഗുരുധർമ്മ പ്രചരണസഭ ചങ്ങനാശേരി മണ്ഡലം കമ്മറ്റിയുടെ ആഭിമുഖ്യത്തിൽ ശിവഗിരി ശാരദ പരിഷത്തിന്റെ മന്നോടിയായുള്ള മണ്ഡലം പരിഷത്ത് ഇന്ന് ഉച്ചക്കഴിഞ്ഞ് തെങ്ങണ എസ് എൻ ഡി പി ഹാളിൽ നടക്കും. ഗുരുധർമ്മ പ്രചരണ സഭ കേന്ദ്ര ഉപദേശക സമിതി ചെയർമാൻ കുറിച്ചി സദൻ പരിഷത്ത് സമ്മേളനം ഉദ്ഘാടനം ചെയ്യും. ആർ സലീംകുമാർ അദ്ധ്യക്ഷത വഹിക്കും. ഡോ ബീന സുരേഷ് ഗുരുവിന്റെ ക്ഷേത്രസങ്കൽപ്പം എന്ന വിഷയത്തിലും പ്രകാശിനി ഗണേശൻ ശിവഗിരി തീർത്ഥാടന ലക്ഷ്യങ്ങൾ എന്ന വിഷയത്തിലും ക്ലാസുകൾ നയിക്കും. തുടർന്ന് നടക്കുന്ന സംഘടനാ സമ്മേളനം സഭ പി.ആർ.ഒ ഇ.എം സോമനാഥൻ ഉദ്ഘാടനം ചെയ്യും. സഭ ജില്ല പ്രസിഡന്റ് ബാബു വട്ടോടി അദ്ധ്യക്ഷത വഹിക്കും. സുകുമാരൻ വാകത്താനം, ഷിബു മൂലേടം, ഡോ പി എസ് ശിവദാസ്, എം.എ ബാലകൃഷ്ണൻ, ജി രമേശ്, വി.എം ബാബു എന്നിവർ പ്രഭാഷണങ്ങൾ നടത്തും. ആദ്യകാല പ്രവർത്തകരായിരുന്ന നാലുകോടി പൊന്നമ്മ രാമകൃഷ്ണൻ, മാടപ്പള്ളി കെ.പൊന്നപ്പൻ എന്നിവരെ ആദരിക്കും.