 മഹാസമ്പർക്കം നടത്തി ബി.ജെ.പി

അതിശക്തമായ ത്രികോണ മത്സരത്തിനാണ് ബി.ജെ.പിയിലൂടെ കളമൊരുങ്ങിയത്. കാഞ്ഞിരപ്പള്ളി മണ്ഡലം ഉറപ്പായും ജയിക്കും. ഇന്നലെ മുഴുവൻ മണ്ഡലങ്ങളിലേയും വീടുകൾ എല്ലാം സ്ഥാനാർത്ഥികളും കയറിയ മഹാസമ്പർക്കമാണ് നടത്തിയത്.

(അഡ്വ. നോബിൾ മാത്യു, ബി.ജെ.പി ജില്ലാ പ്രസിഡന്റ്)

 കോട്ടയം കോട്ട ഇളകും

ഇക്കുറി കോട്ടയത്തെ കോട്ടകൾ ഇളകുമെന്നുറപ്പാണ്. സർക്കാരിന്റെ വികസന നേട്ടങ്ങളും ജോസ് കെ.മാണിയുടെ മുന്നണി പ്രവേശനവുമാണ് അനുകൂല ഘടകം. ഇന്നലെ പരമാവധി വോട്ടർമാരെ നേരിട്ടുകാണുകയായിരുന്നു സ്ഥാനാർത്ഥികൾ.

(എ.വി. റസൽ, സി.പി.എം ജില്ലാ സെക്രട്ടറി)

 കോട്ടയം യു.ഡി.എഫിൽ നിന്ന് മാറില്ല

കോട്ടയത്ത് എൽ.ഡി.എഫിന്റെ മണ്ഡലങ്ങൾകൂടി യു.ഡി.എഫ് പിടിച്ചെടുക്കും. ഊതിവീർപ്പിച്ച സർക്കാരിനെതിരായ വികാരം ശക്തമാണ്. അഴിമതിയും മറ്റും ജനം മനസിലാക്കിയിട്ടുണ്ട്. ഇന്നലെ റോഡ് ഷോ നടത്തിയും ആളുകളെ നേരിൽക്കണ്ടുമായിരുന്നു പ്രചാരണം.

(സജി മഞ്ഞക്കടമ്പിൽ, യു.ഡി.എഫ് ജില്ലാ ചെയർമാൻ)