ചങ്ങനാശേരി : പ്രഭാത സവാരിയ്ക്കിടെ കാർ ഇടിച്ച് ഫോട്ടോസ്റ്റാറ്റ് ഷോപ്പ് ഉടമ മരിച്ചു. കുരിശുംമൂട് വലിയ വീടൻ വീട്ടിൽ തോമസ് - തങ്കമ്മ ദമ്പതികളുടെ മകൻ ജോർജ് തോമസ് (65,ചങ്ങനാശേരി വലിയവീടൻ ഫോട്ടോസ്റ്റാറ്റ്) ആണ് മരിച്ചത്. ഇന്നലെ പുലർച്ചെ 5.20ന് കുരിശുംമൂട് ജംഗ്ഷനിലായിരുന്നു അപകടം. തെങ്ങണ ഭാഗത്ത് നിന്ന് വന്ന കാർ നിയന്ത്രണം വിട്ട് ഇടിക്കുകയായിരുന്നു. ഉടൻ ചെത്തിപ്പുഴ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ചങ്ങനാശേരി പൊലീസ് മേൽനടപടികൾ സ്വീകരിച്ചു. സഹോദരങ്ങൾ : ജോസഫ്, റോസമ്മ, ലൈസമ്മ, ആന്റോച്ചൻ, സാലിമ്മ, ജെയിംസ്, ജോ, ജെസി, ജോജി. ഭാര്യ : ജിജി. മക്കൾ: ജിസി, കാർത്തിക. മരുമക്കൾ: ബിബിൻ, സുബിൻ. മൃതദേഹം പോസ്റ്റ്മോർട്ടത്തിന് ശേഷം ബന്ധുക്കൾക്ക് വിട്ടുകൊടുക്കും. സംസ്‌കാരം പിന്നീട്.