ഏഴാച്ചേരി: കാവിൻപുറം ഉമാമഹേശ്വര ക്ഷേത്രത്തിൽവിഷുക്കണി ദർശനവും വിഷുക്കൈനീട്ട വിതരണവും ഇന്ന് നടക്കും. കൊവിഡ് മാനദണ്ഡങ്ങൾ അനുസരിച്ചു മാത്രമേ ഭക്തർക്ക് ദർശനം അനുവദിക്കൂവെന്ന് ക്ഷേത്രം ഭാരവാഹികൾ അറിയിച്ചു. വിഷുനാളിൽ ഉമാമഹേശ്വരന്മാരുടെ കൈനീട്ടം ഏറ്റുവാങ്ങാൻ നിരവധി ഭക്തരാണ് ഇവിടെ എത്താറുള്ളത്. തലേ വർഷം ലഭിച്ച കൈ നീട്ട നാണയം ഉമാമഹേശ്വരന്മാർക്ക് മുന്നിൽ സമർപ്പിച്ച ശേഷമാണ് ഭക്തർ പുതുവർഷത്തെ കൈ നീട്ടം ഏറ്റുവാങ്ങുന്നത്. വിഷു നാളിൽ പുലർച്ചെ 5.30നാണ് കണി ദർശനം .തുടർന്ന് ശ്രീകോവിലിൽ നാണയ പൂജ നടക്കും. തന്ത്രി നരമംഗലം ചെറിയ നീലകണ്ഠൻ നമ്പൂതിരി , മേൽശാന്തി വടക്കേൽ ഇല്ലം നാരായണൻ നമ്പൂതിരി എന്നിവർ കാർമ്മികത്വം വഹിക്കും. പുലർച്ചെ 5.45 മുതൽ കൈനീട്ടമായി പൂജിച്ച നാണയം വിതരണം ചെയ്യും. 8ന് മധുര ഫല മഹാനിവേദ്യ സമർപ്പണവും അവൽ സമർപ്പണവും. തുടർന്ന് വിഷുപ്പായസം വിതരണം. വഴിപാടുകൾ ബുക്ക് ചെയ്യാൻ:ഫോൺ: 9745 260 444, 9447 309361.