കോട്ടയം : കൊവിഡ് വ്യാപനം രൂക്ഷമായ ഏഴു കേന്ദ്രങ്ങൾ കൂടി ക്ലസ്റ്ററുകളായി പ്രഖ്യാപിച്ചു. ഇതോടെ ജില്ലയിൽ ആകെ 19 ക്ലസ്റ്ററുകളായി. ഇതിൽ 11ഉം ഇൻസ്റ്റിറ്റ്യൂഷണൽ ക്ലസ്റ്ററുകളാണ്. പുതിയതായി പ്രഖ്യാപിക്കപ്പെട്ട ക്ലസ്റ്ററുകളുടെ പട്ടിക ചുവടെ ലാർജ് കമ്യൂണിറ്റി ക്ലസ്റ്ററുകൾ : ഈരാറ്റുപേട്ട മുനിസിപ്പാലിറ്റിയിലെ 17ാം വാർഡിൽ ശാസ്താംകുന്നേൽ മേഖല, ഉദയനാപുരം പഞ്ചായത്തിലെ പന്ത്രണ്ടാം വാർഡിൽ പരുത്തിമുടി മേഖല. ലിമിറ്റഡ് കമ്യൂണിറ്റി ക്ലസ്റ്റർ : കോരുത്തോട് ഗ്രാമപഞ്ചായത്ത് 11ാം വാർഡിലെ കൊട്ടാരംകട, കോസടി മേഖലകൾ. ഇൻസ്റ്റിറ്റ്യൂഷണൽ ക്ലസ്റ്ററുകൾ : രാമപുരം പഞ്ചായത്തിലെ 11ാം വാർഡിൽ എസ്.എച്ച് ഭവൻ കോൺവെന്റ്, പനച്ചിക്കാട് ഗ്രാമപഞ്ചായത്തിലെ അഞ്ചാം വാർഡിൽ ചാന്നാനിക്കാട് ഏഷ്യൻ പെയിന്റ്‌സ് ഗോഡൗൺ ,ഹെഡ് പോസ്റ്റ് ഓഫീസ് കോട്ടയം, അർക്കാഡിയ ഹോട്ടൽ കോട്ടയം.