തിരുവനന്തപുരം: കേരളത്തിന് താൻ ചെയ്ത ഏറ്റവും നല്ല കാര്യമാണ് ചാരായ നിരോധനമെന്ന് കോൺഗ്രസ് നേതാവ് എ കെ ആന്റണി. നിരോധനത്തിന്റെ 25ാം വാർഷികത്തിന് താൻ സന്തോഷം രേഖപ്പെടുത്തുന്നുവെന്നും അദ്ദേഹം പറഞ്ഞു.

ചാരായ നിരോധനം കേരള സമൂഹത്തിന് ഏറ്റവും ഗുണകരമാണെന്ന് എല്ലാവർക്കും സമ്മതിക്കേണ്ടി വന്നുവെന്നും ആന്റണി പറഞ്ഞു. നിരോധനം പിൻവലിക്കുമെന്ന് പറഞ്ഞ എൽ ഡി എഫ് പലതവണ അധികാരത്തിൽ വന്നെങ്കിലും അത് നടപ്പാക്കിയില്ലെന്നും അദ്ദേഹം കൂട്ടിച്ചേർത്തു.

'ജനങ്ങൾ വച്ചുപൊറുപ്പിക്കില്ലെന്ന് മനസിലാക്കിയാണ് ഇടതുമുന്നണി ചാരായ നിരോധനം പിൻവലിക്കാത്തത്. നിരോധനം പിൻവലിക്കുമെന്ന് ഒരു ഉറപ്പും ഇടതുമുന്നണി ഇപ്പോൾ നൽകുന്നില്ല.'- എ കെ ആന്റണി പറഞ്ഞു. ഒരു മാദ്ധ്യമത്തിന് നൽകിയ അഭിമുഖത്തിൽ സംസാരിക്കുകയായിരുന്നു അദ്ദേഹം.