കൊച്ചി: കനറാ ബാങ്ക് റീജിയണൽ ഓഫീസ് ജീവനക്കാർക്കായി ബംഗളൂരു ആസ്ഥാനമായ ആയുർവൈദ് ഹോസ്‌പിറ്റൽസിന്റെ നേതൃത്വത്തിൽ സൗജന്യ മെഡിക്കൽ ക്യാമ്പ് നടത്തി. ജീവിതശൈലി രോഗ ബോധവത്കരണക്ളാസും പരിശോധനയും നടന്നു. കനറാ ബാങ്ക് റീജിയണൽ ഹെഡും ഡെപ്യൂട്ടി ജനറൽ മാനേജരുമായ അന്നമ്മ സൈമൺ ഉദ്ഘാടനം ചെയ്‌തു. ആയുർവൈദ് ഹോസ്‌പിറ്റൽ മെഡിക്കൽ സൂപ്രണ്ടും സീനിയർ ഫിസിഷ്യനുമായ ഡോ. ഇന്ദു വിജയമ്മ ക്ളാസ് നയിച്ചു.
ആയുർവൈദ് കടവന്ത്ര മെഡിക്കൽ സൂപ്രണ്ടും സീനിയർ ഫിസിഷ്യനുമായ ഡോ. അനി സമ്പത്ത്, ഫിസിഷ്യൻ ഡോ.എം. ബിന്ദു എന്നിവർ സംബന്ധിച്ചു. ആയുർവൈദ് ഹോസ്‌പിറ്റൽ മാർക്കറ്റിംഗ് ഹെഡ് ശ്രീകൃഷ്‌ണൻ, പഞ്ചകർമ്മ തെറാപ്പിസ്‌റ്റ് ശ്രീരാജ് എന്നിവർ ക്യാമ്പ് കോ-ഓർഡിനേറ്റ് ചെയ്‌തു.