തിരുവനന്തപുരം: ശബരിമല പറഞ്ഞ് വോട്ടുപിടിക്കാൻ ബി.ജെ.പിക്ക് എന്ത് അവകാശമാണ് ഉള്ളതെന്ന് ശശി തരൂർ എം..പി ചോദിച്ചു.. കേന്ദ്രത്തിൽ ഭരണത്തിലിരിക്കുന്ന പാർട്ടിക്ക് ശബരിമല വിഷയത്തിൽ ഒരുനിയമം കൊണ്ടുവരാൻ കഴിഞ്ഞോ എന്നും അദ്ദേഹം പറ‌ഞ്ഞു.

സംസ്ഥാനത്ത് യു.ഡി.എഫിന് അനുകൂലമായ തരംഗമാണെന്നും ശശി തരൂർ ചൂണ്ടിക്കാട്ടി. സർവേഫലം അല്ല നാട്ടിലെ സ്ഥിതി. പത്തുദിവസത്തിനുള്ളിൽ ഇവിടെ വലിയ മാറ്റം വന്നിട്ടുണ്ടെന്നും അദ്ദേഹം പറഞ്ഞു. ജനങ്ങൾ വോട്ട് ചെയ്യാനിറങ്ങണം. മലയാളികൾ ബുദ്ധിയുള്ളവരാണ്. വോട്ട് പാഴാക്കി ബി.ജെ.പിക്ക് കൊടുത്താൽ ആർക്കാണ് ഗുണം ചെയ്യാൻ പോകുന്നത്. വർഗീയത പറഞ്ഞു വോട്ട് പിടിക്കലാണ് ബി.ജെ.പിയുടെ നയം. അവർക്ക് കേരളത്തിന്റെ വികസനത്തിന് വേണ്ടി ഒന്നും ചെയ്യാൻ സാധിക്കില്ലെന്നും അദ്ദേഹം വ്യക്തമാക്കി.