തിരുവനന്തപുരം: നിയമസഭാ തിരഞ്ഞെടുപ്പിൽ തിരുവനന്തപുരം ജില്ലയിൽ 14 സീറ്റും എൽ ഡി എഫിന് കിട്ടുമെന്ന് ദേവസ്വം മന്ത്രിയും കഴക്കൂട്ടം മണ്ഡലത്തിലെ ഇടതുമുന്നണി സ്ഥാനാർത്ഥിയുമായ കടകംപളളി സുരേന്ദ്രൻ. തുടർഭരണം കേരളത്തിൽ ഉറപ്പാണ്. മികച്ച വിജയം നേടാൻ ഇടത് മുന്നണിക്ക് കഴിയുമെന്നും കടകംപളളി സുരേന്ദ്രൻ പറഞ്ഞു.

കഴക്കൂട്ടത്ത് നടക്കുന്നത് ത്രികോണ മത്സരം ആണ്. വികസനമാണ് പ്രധാന ചർച്ചയാകുന്നത്. എതിരാളികൾ ഉന്നയിച്ചത് പോലുളള വിഷയങ്ങളെ അല്ല ജനം മുഖവിലയ്ക്ക് എടുക്കുന്നത്. നേമത്തെ ബി ജെ പി അക്കൗണ്ട് പൂട്ടിക്കുമെന്നും കടകംപളളി വ്യക്തമാക്കി.