ന്യൂഡൽഹി: കേന്ദ്ര ആഭ്യന്തമന്ത്രി അമിത് ഷാ, ഉത്തർപ്രദേശ് മുഖ്യമന്ത്രി യോഗി ആദിത്യനാഥ് എന്നിവരെ വധിക്കാൻ ചാവേറുകൾ തയ്യാറെടുക്കുകയാണെന്ന ഭീഷണി സന്ദേശം ലഭിച്ചതായി സ്ഥിരീകരണം. 11 ചാവേറുകൾ ഇതിനായി നിയോഗിക്കപ്പെട്ടുവെന്ന ഇമെയിൽ സന്ദേശം ലഭിച്ചതായി സിആർപിഎഫ് ആണ് സ്ഥിരീകരിച്ചിരിക്കുന്നത്.

ആരാധനാലയങ്ങളും രാജ്യത്തെ മറ്റു പ്രധാന സ്ഥലങ്ങളും ആക്രമിക്കുമെന്ന ഭീകരരുടെ സന്ദേശം കുറച്ചുദിവസം മുമ്പാണ് സിആർപിഎഫ് മുബയ് ഹൈഡ് ക്വാർട്ടേഴ്‌സിൽ ലഭിച്ചത്. കേന്ദ്ര സംസ്ഥാന സർക്കാരുകൾ അന്വേഷണം ആരംഭിച്ചിട്ടുണ്ട്.