കണ്ണൂർ: മകന്റെ ഫേസ്ബുക്ക് കുറിപ്പ് തളളി സി പി എം നേതാവ് പി ജയരാജൻ. ഏതു സാഹചര്യത്തിലാണ് മകൻ അത്തരത്തിലൊരു പോസ്റ്റ് ഇട്ടതെന്ന് അറിയില്ലെന്നാണ് ജയരാജന്റെ വിശദീകരണം. പാനൂർ സംഘർഷവുമായി ബന്ധപ്പെട്ടാണെങ്കിൽ ഇത്തരമൊരു അഭിപ്രായ പ്രകടനത്തോട് താൻ യോജിക്കുന്നില്ല. ദൗർഭാഗ്യകരമായ മരണം നടന്ന ആ പ്രദേശത്ത് സമാധാനമുണ്ടാക്കാനുളള യജ്ഞത്തിലാണ് പാർട്ടി അനുഭാവികൾ ഏർപ്പെടേണ്ടതെന്നും ജയരാജൻ ഫേസ്‌ബുക്ക് കുറിപ്പിൽ കുറിച്ചു.

ഇരന്നുവാങ്ങുന്നത് ശീലമായിപോയി എന്നാണ് പി ജയരാജന്റെ മകൻ രാവിലെ ഫേസ്ബുക്കിൽ കുറിപ്പിട്ടത്. ഇത് മാദ്ധ്യമങ്ങളിലടക്കം ചർച്ചയായതോടെയാണ് പ്രതികരണവുമായി പി ജയരാജൻ തന്നെ രംഗത്തെത്തിയത്.