കൊച്ചി: ഡോളറിനെതിരായ രൂപയുടെ മൂല്യത്തകർച്ച മുതലെടുത്ത് സ്വർണവില നേട്ടത്തിലേക്ക് കുതിച്ചുകയറുന്നു. ഇന്നലെ രണ്ടുതവണയായി ആകെ 60 രൂപ വർദ്ധിച്ച് ഗ്രാം വില 4,300 രൂപയിലെത്തി. 480 രൂപ ഉയർന്ന് 34,400 രൂപയാണ് പവൻവില. രാജ്യാന്തര വിപണിയിൽ ഡോളറിലാണ് സ്വർണത്തിന്റെ വ്യാപാരം. ഇതാണ്, ഡോളർ കുതിച്ചതിന്റെ ചുവടുപിടിച്ച് സ്വർണവിലയും മുന്നേറുന്നത്. കഴിഞ്ഞവാരം ഔൺസിന് 1,684 ഡോളറായിരുന്ന രാജ്യാന്തരവില ഇന്നലെയുള്ളത് 1,735 ഡോളറിലാണ്. ഈമാസം ഇതുവരെ പവന് കൂടിയത് 1,080 രൂപയും ഗ്രാമിന് 135 രൂപയുമാണ് കൂടിയത്.