ആലപ്പുഴ: കേരള ക്രിക്കറ്റ്​ അസോസിയേഷൻ സംഘടിപ്പിച്ച വനിതാ ട്വന്റി-20 ക്രിക്കറ്റ്​ ടൂർണ​മെന്റിൽസജന സജീവൻ നയിച്ച കെ.സി.എ സഫയറിന്​ കിരീടം. ഫൈനലിൽ കെ.സി.എ റൂബി ടീമിനെ ആറു വിക്കറ്റിനാണ് സഫയർ തകർത്തത്. കെ.സി.എ പിങ്ക്​ ട്വന്റി-20 ചാല​​ഞ്ചേഴ്​സ്​ എന്നു പേരിട്ട പ്രഥമ ടൂർണമെന്റിന്റെ കലാശക്കളിയിൽ ടോസ്​ നേടി ആദ്യം ബാറ്റിംഗിനിറങ്ങിയ റൂബി ടീമിനെ 19.3 ഓവറിൽ 55 റൺസിന്​ ഓൾഔട്ടാക്കിയ സഫയർ വിജയ ലക്ഷ്യം 13.2 ഓവറിൽ നാലുവിക്കറ്റ്​ മാത്രം നഷ്​ടത്തിൽ അടിച്ചെടുത്തു. അഞ്ചു റൺസ്​ മാത്രം വിട്ടുകൊടുത്ത്​ എതിരാളികളുടെ മൂന്ന്​ വിക്കറ്റ്​ പിഴുത സജന 25 പന്തിൽ 21 റൺസെടുത്ത്​ ബാറ്റിംഗിലും തിളങ്ങി. സജനയാണ്​ പ്ളെയർ ഓഫ്​ ദ മാച്ച്​.