ല​ണ്ട​ൻ: സൈനിക അട്ടിമറിയെ വിമർശിച്ച ബ്രിട്ടനിലെ മ്യാൻമർ അംബാസഡറെ സൈന്യം പുറത്താക്കി. ല​ണ്ട​നി​ലെ എം​ബ​സി​യി​ൽ ജോ​ലി​ക്കെ​ത്തി​യ കി​യോ സ​വാ​ർ മി​ന്നി​നെ​ സൈ​നി​ക ഭ​ര​ണ​കൂ​ട അ​നു​കൂ​ലി​ക​ളാ​യ​ സ​ഹ​പ്ര​വ​ർ​ത്ത​ക​ർ അ​ക​ത്തേ​ക്ക്​ ക​യ​റാ​ൻ അ​നു​വ​ദിച്ചില്ല. പുതിയ സ്ഥാനപതിയെ നിയമിച്ചെന്നാണ് വിവരം. സൈ​നി​ക ഭ​ര​ണ​കൂ​ട​ത്തിന്റെ നി​ർ​ദ്ദേ​ശ​പ്ര​കാ​ര​മാ​ണ്​ ന​ട​പ​ടി സ്വീ​ക​രി​ച്ച​തെ​ന്നാ​ണ്​ സൂ​ച​ന.

സൈ​ന്യം മ്യാ​ന്മർ നേ​താ​വ്​ ആങ് സാ​ൻ ​സൂ​ചി​യെ ത​ട​വി​ലാ​ക്കി​യ​തി​ൽ മി​ൻ പ്ര​തി​ഷേ​ധമ​റി​യി​ച്ചി​രു​ന്നു. സൂ​ചി​യെ ഉ​ടൻ വി​ട്ട​യ​ക്ക​ണ​മെ​ന്നും അദ്ദേഹം പ്ര​സ്​​താ​വ​ന ഇ​റ​ക്കി​യി​രു​ന്നു.

അ​ക​ത്തു ക​യ​റാ​ൻ അ​വ​ർ സ​മ്മ​തി​ച്ചി​ല്ല. ന​യ്​​പി​ഡാ​വി​ൽ ​നി​ന്ന്​ ഉ​ത്ത​ര​വി​റ​ങ്ങി​യ​തി​നാ​ലാ​ണ്​ ഇ​റ​ക്കി​വി​ടു​ന്ന​തെ​ന്നാ​ണ്​ അ​വർ പ​റ​ഞ്ഞ​ത്. ക​ഴി​ഞ്ഞ​ദി​വ​സം രാ​ത്രി കി​ട​ന്നു​റ​ങ്ങി​യ​ത്​ കാ​റി​ലാ​ണ് - മി​ൻ പ​റ​ഞ്ഞു.

അതേസമയം, മ്യാന്മ​ർ സൈ​ന്യ​ത്തിന്റെ ന​ട​പ​ടി​യെ ബ്രി​ട്ടീ​ഷ്​ വി​ദേ​ശ​കാ​ര്യ സെ​ക്ര​ട്ട​റി ഡൊ​മ​നി​ക്​ റാ​ബ്​ അ​പ​ല​പി​ച്ചു. പു​തി​യ അം​ബാ​സ​ഡ​റെ ബ്രി​ട്ട​ൻ അം​ഗീ​ക​രി​ക്കു​മോ​യെ​ന്ന്​ വ്യ​ക്ത​മാ​യി​ട്ടി​ല്ല. പു​തി​യ അം​ബാ​സ​ഡ​റെ തി​രി​ച്ച​യ​ക്ക​ണ​മെ​ന്ന്​ മി​ൻ ബ്രി​ട്ട​നോ​ട്​ ആ​വ​ശ്യ​പ്പെ​ട്ടി​ട്ടു​ണ്ട്. വാ​ർ​ത്ത പു​റ​ത്തു​വ​ന്ന​തി​നു പി​ന്നാ​ലെ പ​ട്ടാ​ള​ഭ​ര​ണ​കൂ​ട​ത്തി​നെ​തി​രെ ആ​ളു​ക​ൾ എം​ബ​സി​ക്കു മു​ന്നി​ൽ ത​ടി​ച്ചു​കൂ​ടിയിരുന്നു.