ന്യൂഡൽഹി : മുൻകൂർ അനുവാദം തേടാതെ അമേരിക്കൻ നാവികസേനയുടെ ഏഴാം കപ്പൽപ്പട ഇന്ത്യൻ സമുദ്ര മേഖലയിൽ പ്രവേശിച്ചു. ലക്ഷ്വദ്വീപിനു സമീപത്തെ ഇന്ത്യൻ കടൽ മേഖലയിലാണ് യു എസ് നാവികസേന നിയമം ലംഘിച്ച് കടന്നു കയറിയത്. ലക്ഷ്വദ്വീൽ നിന്ന് 130 നോട്ടിക്കൽ മൈൽ അകലെയാണ് അമേരിക്കൻ നാവികസേനയുടെ കപ്പലെത്തിയത്. സംഭത്തിൽ ഇതുവരെയും ഇന്ത്യ ഔദ്യോഗികമായി പ്രതികരിച്ചിട്ടില്ല.

അതേസമയം ഇന്ത്യയുടെ മുൻകൂർ അനുമതി തങ്ങൾക്ക് വാങ്ങേണ്ട ആവശ്യമില്ലെന്നാണ് അമേരിക്കയുടെ പ്രതികരണം. അന്താരാഷ്ട്ര നിയമത്തിന് വിധേയമായാണ് തങ്ങളുടെ മിസൈൽ വേധ കപ്പൽ സഞ്ചരിക്കുന്നതെന്നും പത്രിക്കുറിപ്പിലൂടെ അമേരിക്ക വ്യക്തമാക്കി. യുഎസ് ഇതിനു മുൻപും ഇതു ചെയ്തിട്ടുണ്ടെന്നും ഭാവിയിലും തുടരുമെന്നും അമേരിക്ക അറിയിച്ചു . സ്വതന്ത്ര കപ്പൽ വിന്യാസം ഒരു രാജ്യത്തിനു മാത്രം അവകാശപ്പെട്ടതല്ലെന്നും ഇതിൽ രാഷ്ട്രീയം ഇല്ലെന്നും പ്രസ്താവനയിൽ പറയുന്നു.