കൊച്ചി: വിമാനത്താവളത്തിൽ ദ്രാവക രൂപത്തിൽ സ്വർണം കടത്താൻ ശ്രമം. രണ്ടര കിലോ സ്വർണം മാങ്ങാ ജ്യൂസിൽ കലർത്തി കടത്താനാണ് ശ്രമിച്ചത്. ഒരു കോടിയോളം രൂപ വിലമതിക്കുന്ന സ്വർണമാണ് പിടികൂടിയത്.

സംഭവത്തിൽ കണ്ണൂർ സ്വദേശിയായ യാത്രക്കാരനെ കസ്റ്റംസ് അറസ്റ്റ് ചെയ്തു. ഇയാൾ ദുബായിൽ നിന്ന് ഇന്ന് രാവിലെയാണ് എത്തിയത്. രാജ്യത്ത് ആദ്യമായിട്ടാണ് ജ്യൂസിൽ കലർത്തി ദ്രാവക രൂപത്തിൽ സ്വർണം കടത്താൻ ശ്രമിക്കുന്നത് പിടികൂടിയത്.