ചെന്നൈ: സൂപ്പർഹിറ്റ് തമിഴ് ചിത്രം അന്യൻ ഹിന്ദിയിലേക്ക് റീമേക്ക് ചെയ്യുന്നു. വിക്രമിനെ നായകനാക്കി ശങ്കർ സംവിധാനം ചെയ്‌ത ചിത്രം 16 വർഷങ്ങൾക്ക് ശേഷമാണ് റീമേക്കിന് ഒരു‌ങ്ങുന്നത്. ഹിന്ദിയിൽ രൺവീർ സിംഗാണ് നായകനായെത്തുന്നത്. ശങ്കറും രൺവീർ സിംഗും ഇക്കാര്യം ഫേസ്ബുക്കിലൂടെയാണ് ഔദ്യോഗികമായി അറിയിച്ചത്.

അമ്പി, റെമോ, അന്യൻ എന്നിങ്ങനെ മൂന്ന് ഭാവ പകർച്ചയിൽ നായക കഥാപാത്രമായി വിക്രം തകർത്താടിയ ചിത്രമാണ് അന്യൻ. 2005ലാണ് ചിത്രം റിലീസ് ചെയ്‌തത്. ചിത്രത്തിൽ സദയാണ് നായികയായെത്തിയത്. നെടുമുടി വേണു, പ്രകാശ് രാജ്, വിവേക്, നാസർ തുടങ്ങിയവരായിരുന്നു ചിത്രത്തിലെ മറ്റ് പ്രധാന കഥാപാത്രങ്ങളെ അവതരിപ്പിച്ചത്. അന്യൻ നേരത്തെ അപരിചിത് എന്ന പേരിൽ ഹിന്ദിയിലേക്ക് മൊഴിമാറ്റം ചെയ്യപ്പെട്ടിരുന്നു.

ഹാരിസ് ജയരാജ് സംഗീതം നൽകിയ ചിത്രത്തിലെ ഗാനങ്ങൾ ഏറെ ഹിറ്റായിരുന്നു. ബിജ് ബഡ്‌ജറ്റിൽ ഒരുങ്ങുന്ന ചിത്രത്തിന്റെ കൂടുതൽ വിവരങ്ങൾ പുറത്തുവിട്ടിട്ടില്ല.