കൊച്ചി: രണ്ടാഴ്‌ചത്തെ ഇടവേളയ്‌ക്ക് ശേഷം രാജ്യത്ത് ഇന്ധന വിലയിൽ കുറവ്. പെട്രോൾ ലിറ്ററിന് 16 പൈസയും ഡീസൽ 15 പൈസയുമാണ് കുറഞ്ഞത്.

കൊച്ചിയിൽ ഒരു ലിറ്റർ പെട്രോളിന്റെ വില 90രൂപ 56 പൈസയാണ്. ഡീസൽ ലിറ്ററിന് 85 രൂപ 14 പൈസയാണ് വില. പെട്രോളിന് 92 രൂപ 28 പൈസയും ഡീസലിന് 86 രൂപ 25 പൈസയുമാണ് തിരുവനന്തപുരത്തെ വില.

രാജ്യാന്തര വിപണിയിൽ അസംസ്‌കൃത എണ്ണവിലയിൽ ഏറ്റകുറച്ചിൽ ഉണ്ടായെങ്കിലും കഴിഞ്ഞ രണ്ടാഴ്‌ചയായി ഇന്ധനവിലയിൽ മാറ്റമുണ്ടായിരുന്നില്ല.