ലക്നൗ: യു.പി പഞ്ചായത്ത് തിരഞ്ഞെടുപ്പിൽ ബി.ജെ.പിക്കെതിരെ പ്രചാരണവുമായി കർഷക സംഘടനയായ ഭാരതീയ കിസാൻ യൂണിയൻ. ബി.ജെ.പി സ്ഥാനാർത്ഥികൾക്ക്​ വോട്ട്​ ചെയ്യരുതെന്നും മറ്റേതെങ്കിലും പാർട്ടിയ്ക്ക് വോട്ട്​ രേഖപ്പെടുത്തണമെന്നും ബി.കെ.യു അഭ്യർത്ഥിച്ചു. ഇന്നലെയാണ് യു.പിയിൽ പഞ്ചായത്ത് തിരഞ്ഞെടുപ്പ് ആരംഭിച്ചത്. നിയമസഭ തിര​ഞ്ഞെടുപ്പ്​ നടക്കുന്ന സംസ്ഥാനങ്ങളിൽ കർഷക സംഘടന പ്രതിനിധികളെത്തി ബി.ജെ.പിക്ക്​ വോട്ട്​ ചെയ്യരുതെന്ന്​ അഭ്യർത്ഥിച്ചിരുന്നു.