ഭവന നർമ്മാണ രംഗത്ത് കേരളത്തിലും ഓപ്പൺ കിച്ചൺ ആശയം നടപ്പിലായി തുടങ്ങിയിട്ട് ഏറെ നാളുകളായിട്ടില്ല. പുതുതായി നിർമ്മിക്കുന്ന മിക്ക വീടുകളിലും ഓപ്പൺ കിച്ചൻ നിർമ്മിക്കുന്നത് പതിവായിട്ടുണ്ട്. ഇപ്പോഴിത് അമ്പരപ്പിക്കുന്ന മറ്റൊരു വാർത്തയാണ് ശ്രദ്ധ നേടുന്നത്.
'ഓപ്പൺ കൺസെപ്ട് ടോയ്‌ലെറ്റ് ' എന്ന ആശയം പങ്കുവച്ചുള്ള പോസ്റ്റാണ് സോഷ്യൽ മീഡിയയിൽ വൈറലാകുന്നത്. ചുമരുകളില്ലാത്ത ടോയ്‌ലെറ്റുള്ള ബോസ്റ്റണിലെ വീടാണ് ഇപ്പോൾ ചർച്ചയാകുന്നത്. 1910 ൽ നിർമ്മിച്ച ഈ വീട് പതുക്കിപണിതപ്പോഴാണ് ഓപ്പണായി പണിതത്.. ഇപ്പോൾ വിൽപനയ്ക് വച്ചിരിക്കുന്നത് 899,000 ഡോളറിന്, 6.6 കോടി രൂപയ്ക്ക് വില്പനയ്ക്ക് വച്ചിരിക്കുകയാണ്..
വീട്ടിലേക്ക് വാതിൽ തുറന്നുകയറിവരുമ്പോൾ ഇടതുവശത്തെ ഓപ്പൺ കൺസെപ്ട് സ്പെയ്‌സിലാണ് ടോയ്‌ലെറ്റ് സ്ഥാനം പിടിച്ചിരിക്കുന്നത്. സാധാരണ ടോയ്‌ലെറ്റിൽ പ്രതീക്ഷിക്കുന്ന സ്വകാര്യത ഇവിടെ പ്രതീക്ഷിക്കണ്ട. ലഭിക്കില്ലെന്ന് സാരം. ഷവറിനും ടോയിലറ്റിനും ഇടയിലുള്ള ഗ്ലാസ് ആണ് ആകെയൊരു മറയായിട്ടുള്ളത്. ടോയ്ലറ്റിനും സിങ്കിനും ഇടയിൽ ഫ്രോസ്റ്റഡ് ഗ്ലാസാണുള്ളത്. 2,000 ചതുരശ്രയടിയുള്ള ഈ രണ്ടു നില വീടിന്റെ ഏറ്റവും വലിയ പ്രത്യകതയും ഈ ഓപ്പൺ ബാത്ത്‌റൂം ആണ്.
വീടിന്റെ മറ്റു ഭാഗങ്ങൾ സാധാരണ രീതിയിലാണ് നിർമ്മിച്ചിരിക്കുന്നത്. തടിയിലുള്ള ഫ്ലോറുകളും വീടിന് പ്രത്യേക ഭംഗി നൽകുന്നു.