മലപ്പുറം:വളർത്തുനായയെ സ്‌കൂട്ടറിന് പിന്നിൽ കെട്ടി റോഡിലൂടെ വലിച്ചിഴച്ച സംഭവത്തിൽ ഉടമയെ ഇന്ന് പൊലീസ് അറസ്റ്റ് ചെയ്‌തേക്കും. കരുനെച്ചി സ്വദേശി സേവ്യര്‍ ആണ് നായയുടെ ഉടമ. ചെരുപ്പ് കടിച്ചു കേടുവരുത്തിയതിനാണ് നായയോട് വീട്ടുകാർ ക്രൂരത കാണിച്ചത്.
സേവ്യർ മൂന്ന് കിലോമീറ്ററോളമാണ് നായയെ കെട്ടിവലിച്ചത്. നാട്ടുകാർ പിന്തുടർ‌ന്ന് പിന്തിരിപ്പിക്കാൻ ശ്രമിച്ചെങ്കിലും ഇയാൾ വഴങ്ങിയില്ല. ഒടുവിൽ നാട്ടുകാർ വാഹനം തടഞ്ഞ് നായയെ രക്ഷിക്കുകയായിരുന്നു.ഒരു യുവാവ് മൊബൈലിൽ പകർത്തിയ ദൃശ്യം സോഷ്യൽമീഡിയയിലൂടെ പ്രചരിച്ചതോടെ പ്രതിഷേധം ശക്തമായി. സാരമായി പരിക്കേറ്റ നായയെ നിലമ്പൂർ റസ്ക്യൂ ഫോഴ്സ് ചികിത്സയ്ക്കായി കൊണ്ടുപോയി.