ആലുവ: 40 ലക്ഷത്തോളം രൂപ വിലവരുന്ന 900 ഗ്രാം സ്വർണാഭരണങ്ങളുമായി തൃശൂർ സ്വദേശികളായ ദമ്പതികളെ കൊച്ചി രാജ്യാന്തര വിമാനത്താവളത്തിൽ എയർ കസ്റ്റംസ് ഇന്റലിജൻസ് പിടികൂടി. ദുബായിൽ നിന്ന് എയർ ഇന്ത്യ എക്സ്പ്രസ് വിമാനത്തിലാണ് ഇവർ കൊച്ചിയിലെത്തിയത്. സ്വർണാഭരണങ്ങൾ വസ്ത്രത്തിനകത്ത് ഒളിപ്പിച്ചിരിക്കുകയായിരുന്നു. എമിഗ്രേഷൻ പരിശോധനയ്ക്കിടെയാണ് ഇവർ പിടിയിലായത്.