കൊല്‍ക്കത്ത: കൊവിഡ് വ്യാപനം അനിയന്ത്രിതമായി വര്‍ദ്ധിക്കുന്ന സാഹചര്യത്തിൽ പശ്ചിമ ബംഗാൾ തലസ്ഥാനമായ കൊൽക്കത്തയിൽ തൃണമൂൽ കോൺഗ്രസിന്റെ പ്രചാരണ റാലികൾ റദ്ദാക്കിയതായി മുഖ്യമന്ത്രി മമത ബാനർജി അറിയിച്ചു.
മറ്റ് ജില്ലകളിലെ മമത പങ്കെടുക്കുന്ന പ്രചരണറാലികള്‍ക്ക് മാറ്റമുണ്ടാകില്ലെന്ന് പാര്‍ട്ടി വൃത്തങ്ങള്‍ വ്യക്തമാക്കി. എന്നാല്‍ പൊതുപരിപാടികളുടെ ദൈര്‍ഘ്യം പരമാവധി 30 മിനിറ്റായി നിജപ്പെടുത്തിയിട്ടുണ്ട്.
പ്രചാരണത്തിന്റെ അവസാന ദിവസമായ 26ന് കൊൽക്കത്തയിൽ നടക്കുന്ന പരിപാടിയില്‍ സൂചകാത്മകമായി മാത്രം മമത പങ്കെടുക്കുമെന്നും ടി.എം.സി എം.പി ഡെറക് ഒ ബ്രയാന്‍ അറിയിച്ചു.