ലോകത്തിലെ ഏറ്റവും ചെലവേറിയ രണ്ടാമത്തെ വീടാണ് ആന്റിലിയ. റിലയൻസ് ഉടമ മുകേഷ് അംബാനിയുടേതാണ് ഈ വസതി. ബക്കിംഗ്ഹാം കൊട്ടാരം കഴിഞ്ഞാൽ ഏറ്റവും വിലപിടിപ്പുള്ള വസതി.

ഫാന്റം ദ്വീപായ ആന്റിലിയയുടെ പേരിൽ അറിയപ്പെടുന്ന ഈ വീട്ടിലാണ് 2012 മുതൽ മുകേഷ് അംബാനിയും കുടുംബ സമേതം കഴിയുന്നത്. ലോകത്തിലെ ഏറ്റവും വലുതും വിപുലവുമായ സ്വകാര്യ വീടുകളിൽ ഒന്നാണ് ഈ അംബര ചുംബി. രാജ്യത്തെ ഏറ്റവും ചെലവേറിയ റെസിഡൻഷ്യൽ ഏരിയകളിലൊന്നായ മുംബൈയിലെ അൾട്ടാമൗണ്ട് റോഡിലാണ് ആന്റിലിയ സ്ഥിതി ചെയ്യുന്നത്.

ആകെ 27 നിലകളാണ് ആന്റിലയയിൽ ഉള്ളത്.. ഓരോ നിലയും വ്യത്യസ്ത രീതിയിലാണ് രൂപ കൽപ്പന ചെയ്തിരിക്കുന്നത്. മുകളിലെത്തെ 6 നിലകളിലായാണ് അംബാനിയുടെ കുടുംബം താമസിക്കുന്നത്. 50 പേർക്ക് ഇരിക്കാവുന്ന തിയേറ്റർ, സലൂൺ, ഐസ്‌ക്രീം പാർലർ എന്നിവയും ഈ വീട്ടിലുണ്ട്.

27 നിലകളിലായാണ് അംബാനിയുടെ ഈ വസതി സ്ഥിതി ചെയ്യുന്നത്. മദർ ഓഫ് പേൾ, ക്രിസ്റ്റൽസ്, മാർബിൾസ് എന്നിവ ഉപയോഗിച്ചാണ് ഈ വസതി മോടികൂട്ടിയിരിക്കുന്നത്. വീടിനുള്ളിൽ ഒൻപത് ഇലവേറ്ററുകളാണുള്ളത്

രണ്ട് നിലകളിലായി സ്ഥിതി ചെയ്യുന്ന റിക്രിയേഷൻ സെന്റർ ആണ് ഇവിടുത്തെ ഏറ്റവും ആകർഷകമായ ഇടം. യോഗ സെന്റർ, ഡാൻസ് സ്റ്റുഡിയോ, ഹെൽത്ത് സ്പാ, സ്വിമ്മിങ് പൂൾ എന്നിവയാണ് ഇവിടെയുള്ളത്. ജ

ആറാം നിലയിലാണ് മുകേഷ് അംബാനിയുടെ കാർ ഗ്യാരേജ്. 5 കോടിയുടെ മേബാച്ച് അടക്കം നിരവധി കാറുകളാണ് ഈ ഗ്യാരേജിലുള്ളത്. 168 കാറുകൾ വരെ പാർക്കു ചെയ്യാൻ ഇവിടെ സൗകര്യമുണ്ട്. ഏഴാമത്തെ നിലയിൽ ഒരു സർവീസ് സെന്ററുമുണ്ട്.

മൂന്ന് ഹെലിപ്പാഡുകൾ, എയർ ട്രാഫിക് കൺട്രോൾ, ഒരു ബോൾ റൂം, ടെറസ് ഗാർഡൻ, സ്വിമ്മിംഗ് പൂൾ, സ്പാ, ഹെൽത്ത് സെന്റർ, ഒരു ക്ഷേത്രം, ഒരു മഞ്ഞ് മുറി, എന്നിവയാണ് ഈ വസതിയിലെ പ്രധാന സൗകര്യങ്ങൾ.

ആന്റിലിയയിലെ സേവനത്തിനായി 600 അംഗ സ്റ്റാഫുകൾ ആണ് ഉള്ളത്. റിക്ടർ സ്‌കെയിലിൽ 8 രേഖപ്പെടുത്തുന്ന ഭൂകമ്പത്തെ പോലും നേരിടാൻ രൂപകൽപ്പന ചെയ്തിട്ടുള്ളതാണ് മുകേഷ് അംബാനിയുടെ വസതി.