തൃശൂർ: ആത്മഹത്യയ്ക്ക് ശ്രമിച്ച സീരിയൽ നടൻ ആദിത്യന്റെ ആരോഗ്യനില തൃപ്തികരം. കൂടുതൽ പരിശോധന ഫലങ്ങൾ വരാൻ കാത്തിരിക്കുകയാണെന്ന് തൃശൂർ മെഡിക്കൽ കോളേജ് ആശുപത്രി അധികൃതർ അറിയിച്ചു. ഞായറാഴ്ച വൈകിട്ടാണ് നടൻ ആത്മഹത്യക്ക് ശ്രമിച്ചത്.

കൈ ഞരമ്പ് മുറിച്ച നിലയിൽ തൃശൂർ സ്വരാജ് റൗണ്ടിൽ നിർത്തിയിട്ടിരുന്ന കാറിൽ കണ്ടെത്തുകയായിരുന്നു. നിർത്തിയിട്ട കാറിൽ ഒരാൾ തളർന്ന് കിടക്കുന്നത് കണ്ട് ചിലർ സമീപത്തേക്ക് വരികയും, കാറിനുള്ളിൽ ആരാണെന്ന് നോക്കുകയും ചെയ്യുകയായിരുന്നു.

ആദിത്യനെ നാട്ടുകാർ തിരിച്ചറിയുകയും, പൊലീസിനെ അറിയിക്കുകയും ചെയ്തു. ശേഷം, പൊലീസെത്തി നടനെ ആശുപത്രിയിലേക്ക് മാറ്റുകയായിരുന്നു. ആദിത്യനും നടിയും ഭാര്യയുമായ അമ്പിളി ദേവിയും തമ്മിൽ നിലനിന്ന അസ്വാരസ്യങ്ങൾ അടുത്തിടെയാണ് മാദ്ധ്യമങ്ങളിൽ നിറഞ്ഞിരുന്നു. ശേഷം ഇരുവരും പരസ്പരം ആരോപണങ്ങൾ ഉന്നയിച്ചുകൊണ്ട് രംഗത്തുവന്നിരുന്നു.