ന്യൂഡൽഹി: രാജ്യത്ത് പ്രതിദിന കൊവിഡ് കേസുകളിൽ നേരിയ കുറവ്. കഴിഞ്ഞ ഇരുപത്തിനാല് മണിക്കൂറിനിടെ 3.2 ലക്ഷം പേർക്കാണ് വൈറസ് ബാധ സ്ഥിരീകരിച്ചത്.അവധി ദിവസം പരിശോധന കുറഞ്ഞതിനാലാണ് രോഗികളുടെ എണ്ണത്തിൽ നേരിയ കുറവ് വരാൻ കാരണമെന്നാണ് വിലയിരുത്തൽ.

തുടർച്ചയായ ആറാം ദിവസമാണ് പ്രതിദിന കൊവിഡ് കേസുകളുടെ എണ്ണം മൂന്ന് ലക്ഷം കടക്കുന്നത്. മൂന്നര ലക്ഷത്തിലധികം പേർക്കായിരുന്നു ഞായറാഴ്ച രോഗം സ്ഥിരീകരിച്ചത്. മരണസംഖ്യയും കുതിച്ചുയരുകയാണ്. ഇരുപത്തിനാല് മണിക്കൂറിനിടെ 2767 പേരാണ് മരിച്ചത്. തുടർച്ചയായ ഏഴാമത്തെ ദിവസമാണ് മരണസംഖ്യ 2,000 കടക്കുന്നത്.

മഹാരാഷ്ട്ര, ഉത്തർപ്രദേശ്, ഡൽഹി, കർണാടക, കേരളം, മദ്ധ്യപ്രദേശ്, പശ്ചിമ ബംഗാൾ, തമിഴ്നാട്, ഗുജറാത്ത്, രാജസ്ഥാൻ എന്നീ 10 സംസ്ഥാനങ്ങളിലാണ് രോഗവ്യാപനം ഏറ്റവും രൂക്ഷം. അ​നാ​വ​ശ്യ​മാ​യി​ ​പു​റ​ത്തി​റ​ങ്ങ​രു​തെ​ന്നും​ ​കൊ​വി​ഡ് ​രോ​ഗി​ക​ളി​ല്ലെ​ങ്കി​ൽ​ ​പോ​ലും​ ​വീ​ട്ടി​ന​ക​ത്തും​ ​മാ​സ്ക് ​ധ​രി​ക്ക​ണ​മെ​ന്നും​ ​കേ​ന്ദ്ര സർക്കാർ കഴിഞ്ഞ ദിവസം നിർദേശം നൽകിയിരുന്നു.